भक्तपुर । युएईमा जारी आईसीसी विश्वकप लिग २ अन्तर्गत त्रिदेशीय सिरिजको चौथौं खेलमा नेपाल विजयी भएको छ ।
सोमवार भएको खेलमा नेपालले घुरेलु टोली युएईमाथि ४२ रनको जित हात पारेको हो ।
दुबई अन्तराष्ट्रिय रंगशालामा भएको खेलमा नेपालले प्रस्तुत गरेको २३० रनको विजयी लक्ष्य पछ्याएको यूइई ४५ ओभरमा अलआउट हुँदै १८७ रनमा समेतिएसंगै नेपाल ४२ रनले विजयी भएको हो ।
युएईका लागि आसिफ खानले ११५ बल खेल्दै २ चौका र ३ छक्का प्रहार गर्दै सर्वाधिक ८२ रन जोडे ।
त्यस्तै, आर्यान लार्काले ७८ बलमा ४ चौका र १ छक्का प्रहार गर्दै अर्धशतक बनाउँदा विकेटकिपर भित्या अरविन्दले २३ बलमा १३ रन जोडे ।
युएईका अन्य ब्याट्सम्यानले दोहोरो अंकमा रन जोड्न सकेनन् । सिपी रिजवान र जाहोर खानले समान ७–७ रन जोड्दा रोहन मुस्ताफा ६, आर्यन अफजल खान २ रनमा आउट भए ।
जुनाइद सिद्वीक्यु ३ रनमा अविजित रहे । युएईले अतिरिक्त रुपमा ११ रन जोडे ।
नेपालका लागि सोमपाल कामीले ७ ओभर बलिङ गर्दै २६ रन दिएर १ मेदन राख्दै ३ विकेट लिँदा दिपेन्द्र सिंह ऐरीले ८ ओभरमा १८ रन खर्चिएर ३ विकेट लिए । त्यस्तै, करन केसी, सन्दिप लिमिछाने र आरिफ शेखले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको नेपालले निर्धारित ५० ओभरको खेलमा ८ विकेट गुमाएर २२९ रन जोडेको थियो ।
नेपालका लागि भिम सार्कीले ९९ बलमा ७ चौका प्रहार गर्दै सर्वाधिक ७० रनको अर्धशतकिय पारी खेले ।
त्यस्तै, आरिफ शेखले ५६ बल खेल्दै २ चौका र १ छक्का प्रहार गर्दै ४३ रनमा अविजित रहँदा कुशल मल्लले ३२ बलमा ४ चौका र २ छक्का मद्दतमा ३२ रन जोडे ।
सन्दिप लामिछाने ४० बल खेल्दै १ चौकामा २७ रन बनाउँदै पेविलियन फर्किदा करन केसी ११ बलमा १ चौका र १ छक्का प्रहार गर्दै १७ रनमा आउट भए ।
ज्ञानेन्द्र मल्लले २६ बलमा २ चौका प्रहार गर्दै ११ रनमा आउट हुँदा प्रतिश जिसीले ६ बलको सामना गर्दै १ चौका मद्दतमा ११ रन जोड्दै अविजित रहे ।
विकेटकिपर आसिफ शेख ६, दिपेन्द्र सिंह ऐरी ४, कप्तान रोहित पौडेल १ रनमा पेविलियन फर्किए । नेपालले अतिरिक्त रुपमा ७ रन जोडेको थियो ।
युएईका लागि जुनाइद सिद्दिक्युले १० ओभर बलिङ गर्दै ५३ रन दिएर १ मेदन राख्दै ३ विकेट लिए ।
त्यस्तै, रोहन मुस्ताफाले ९ ओभर बलिङ गर्दा १ मेदन राखेर २ विकेट लिँदा आर्यान लार्काले ८ ओभरको बलिङ गर्दै ३० रन खर्चिएर २ विकेट लिए ।
पालानियापन मइयापनले ६ ओभरमा ३० रन दिएर १ विकेट लिए ।
लेखक
