एजेन्सी । प्रिमियर लिग क्लब म्यानचेस्टर सिटी इंग्लिस फुटबलको प्रतिष्ठित प्रतियोगिता एफए कपको क्वाटरफाइनलमा प्रवेश गरेको छ ।
मंगलवार राति च्याम्पियनसिप क्लब बिस्टोल सिटीमाथि ३–० को स्पष्ट जित हात पार्दै उपाधि दावेदार म्यानचेस्टर सिटी एफए कपको अन्तिम ८ मा प्रवेश गरेको हो ।
एस्टन गेट रंगशालामा म्यान सिटीका लागि युवा खेलाडी फिल फोडेनले दुई गोल गर्दा अर्को एक गोल केभिन डिब्रुएनाले गरेको हो ।
खेल सुरु भएको सातौं मिनेटमा फोडेनले गोल गर्दै म्यान सिटीलाई सुरुवाती अग्रता दिएको थियो । पहिलो हाफ १–० ले अघि रहेको सिटीले दोस्रो हाफ थप दुई गोल गर्यो ।
७५ औं मिनेटमा फोडेनले गोल थप्दा सिटी खेलमा २–० ले अघि बढ्दा ८१ औं मिनेटमा डिब्रुएनाले गोल गर्दै खेल ३–० ले जित्यो ।
ब्रिस्टोलविरुद्वको जितसंगै म्यानचेस्टर सिटीले लगातार आठ सिजन एफए कपको अन्तिम ८ को यात्रा तय गरेको छ ।
एफए कपअन्तर्गत नै गयराति सम्पन्न अन्य खेलहरुमा फुलहमले लिड्स युनाइटेडमाथि २–० को जित हात पार्दा लेस्टर सिटी भने ब्ल्याकबर्न रोभर्ससंग २–१ ले स्तब्ध बन्यने ।
यता, ब्राइटनले स्टोक सिटीलाई १–० ले पराजित गर्यो ।
लेखक
