एजेन्सी । लियोनल मेसी प्रेरित इन्टर मियामीले अमेरिकी लिग मेजर लिग सकर (एमएलएस) मा फराकिलो जित दर्ता गरेको छ ।
आईतवार विहान भएको खेलमा मेसी प्रेरित इन्टर मियामीले न्युयोर्क आरबीमाथि ६–२ को फराकिलो जित दर्ता गरेको हो ।
मियामीको घरेलु मैदान चेस स्टेडियममा भएको खेलमा मेसीले एक गोल गर्नुका साथै ५ असिस्ट प्रदान गरे ।
पहिलो हाफको ३० औं मिनेटमा डान्टे भानजैरले गोल गर्दा भ्रमणकारी टोली १–० ले अघि बढ्यो ।
तर, दोस्रो हाफको ४८ औं मिनेटमा मेसीको पासमा माटियास रोजासले मियामीका लागि बराबरी गोल फर्काए ।
त्यसको दुई मिनेटपछि नै लुईस सुवारेजको पासमा मेसीले गोल गर्दै मियामीलाई २–१ ले अघि बढायो ।
यता, ६२ औं मिनेटमा मेसीकै पासमा रोजासले व्यक्तिगत रुपमा दोस्रो गोल थप्दा घरेलु टोली ३–१ ले अघि बढ्यो ।
त्यस्तै, ६८ औं मिनेटमा मेसीकै असिस्टमा सुवारेजले गोल थप्दा मियामी ४–१ ले अघि बढ्यो ।
७५ औं मिनेटमा फेरी एकपटक मेसीको पासमा सुवारेजले गोल गर्दा खेल ५–१ को अवस्थामा आयो ।
त्यसको ६ मिनेटपछि नै मेसीकै पासमा सुवारेजले ह्याट्रिक हान्दा मियामीले ६–१ को अग्रता बनायो ।
यता, खेलको इन्जरी समयको सातौं मिनेटमा भ्रमणकारी टोलीका लागि इमिल फोरबेर्गले पेनाल्टीमा गोल फर्काउँदा खेल ६–२ ले सकियो ।
फराकिलो जितसंगै ग्रुप इस्टको शीर्ष स्थानमा रहेको मियामीले १२ खेलबाट २४ अंक जोडेको छ ।
पराजित न्युयोर्कको ११ खेलमा १७ अंकसहित तालिकाको चौथौं स्थानमा रहेको छ ।
लेखक
