एजेन्सी । इटालियन सिरी एमा एसी मिलान फ्लोरेन्टिनासंग पराजित भएको छ ।
सनिवार राति भएको खेलमा एसी मिलान फ्लोरेन्टिनासंग २–१ ले पराजित भएको हो ।
आर्टेमियो फ्रान्ची रंगशालामा भएको खेलमा ४९ औं मिनेटमा निकोलास गोन्जालेजले गोल गर्दै घरेलु टोली फ्लोरेन्टिनालाई सुरुवाती अग्रता दिलाएका थिए ।
त्यसपछि ८७ औं मिनेटमा लुका जोभिकले गोल थप्दा फ्लोरेन्टिना २–० ले अघि बढ्यो ।
निर्धारित ९० मिनेटपछि थपिएको अतिरिक्त समयको पाँचौं मिनेटमा थियो हर्नान्डेजले एक गोल फर्काएपनि मिलान हारबाट भने जोगिएन ।
जितसंगै फ्लोरेन्टिना २५ खेलमा ३१ अंक जोड्दै लिग तालिकाको १२ औं स्थानमा रहेको छ ।
यता, पराजित मिलानको २५ खेलमा ४७ अंक छ । मिलान तालिकाको चौथौं स्थानमा झरेको छ ।
गयराति नै भएको अन्य खेलहरुमा मोन्जाले इम्पोलीमाथि २–१ को जित निकाल्दा एट्लान्टा र उदेस्नेले गोररहित बराबरी खेलेका छन् ।
लेखक
