एजेन्सी । यूईएफए च्याम्पियन्स लिगको राउण्ड अफ १६ को पहिलो लेग खेलमा इंग्लिस क्लब टोटनहममाथि जित हात पार्दै एसी मिलानले क्वाटरफाइनल पुग्ने सम्भावना बलियो बनाएको छ ।
मंगलवार राति भएको खेलमा सिरी ए क्लब एसी मिलानले प्रिमियर लिग क्लब टोटनहममाथि १–० को जित हात पारेको हो ।
मिलानको घरेलु मैदान गिउसेप्पे म्याजा रंगशालामा भएको खेलमा एकमात्र निर्णायक गोल खेलको सातौं मिनेटमा ब्राहिम दाइजले गरेका थिए ।
स्पर्सका रुपमा समेत चिनिने टोटनहमले पाएका केहि राम्रो मौका सदुपयोग गर्न नसक्दा घरेलु टोलीसंग पराजित हुन पुग्यो । उसो त मिलानले पनि केहि राम्रा मौका बुनेतापनि थप गोल भने गर्न सकेन ।
युरोपेली फुटबलको सर्वाधिक लोकप्रिय प्रतियोगिताको अन्तिम १६ को दोस्रो लेग खेल टोटनहमको घरेलु मैदानमा मार्च ९ तारिखमा हुनेछ । सो खेलले च्याम्पियन्स लिगको अन्तिम ८ पुग्ने टोलीको निर्णय गर्नेछ ।
लेखक
