भक्तपुर । २० वर्षमूनीको साफ यू–२० महिला च्याम्पियनसिपअन्तर्गत नेपालले भुटानमाथि फराकिलो जित हात पार्दै प्रतियोगितामा पहिलो जित निकालेको छ ।
आइतवार भएको खेलमा नेपालले भुटनमाथि ४–० को जित हात पार्दै प्रतियोगितामा पहिलो जित निकालेको हो ।
बंगलादेशको ढाकामा भएको खेलमा नेपालकी अमिशा कार्कीले ह्याट्रिक गर्दा कप्तान प्रिती राईले पनि एक गोल गरिन् ।
खेलको १९ औं मिनेटमा अमिशाले गोल गर्दै नेपाललाई सुरुवाती अग्रता दिलाएकी थिइन् । अमिशाले नै पहिलो हाफको अन्त्यतिर गोल गर्दा नेपाल २–० ले अघि बढ्यो ।
दोस्रो हाफको ६१ औं मिनेटमा कप्तान प्रितीले गोल गर्दा नेपाल ३–० को अरामदायी अवस्थामा अघि बढ्यो ।
त्यसपछि खेलको ६२ औं मिनेटमा अमिशाले व्यक्तिगत रुपमा तेस्रो गोल गर्दै ह्याट्रिक पूरा गर्दा नेपाल ४–० को फराकिलो अन्तरमा विजयी रह्यो ।
नेपाल यसअघि प्रतियोगिताअन्तर्गतको पहिलो खेलमा आयोजक बंगलादेशसंग ३–१ ले पराजित भएको थियो ।
राउण्ड रोबिनको आधारमा हुने प्रतियोगिताअन्तर्गत अन्तिम खेलमा नेपालले मंगलवार भारतसंग खेल्नेछ ।
लेखक
