भक्तपुर । दक्षिण एसियाली महिला फुटबलको शीर्ष प्रतियोगिता साफ महिला च्यम्पियनसिपको सातौं संस्करण नेपालमा हुँदैछ ।
दक्षिण एसियाली फुटबलको शीर्ष निकाय दक्षिण एसियाली फुटबल महासंघ (साफ) को आयोजनामा हुने प्रतियोगिता अक्टुबर १७ देखि ३० तारिख अर्थात् कार्तिक १ गतेदेखि १४ गतेसम्म काठमाडौंमा हुनेछ ।
त्रिपुरेश्वरस्थित दशरथ रंगशालमा हुने प्रतियोगितामा दक्षिण एसियाका सातै राष्ट्रले सहभागिता जनाउँदैछ ।
प्रतियोगिता लिग कम नकआउट प्रणालीमा सञ्चालन हुनेछ ।
दुई समूहमा विभाजन गरिएको लिग चरणमा समूह ‘ए’ मा साविक विजेता बंगलादेशसहित दक्षिण एसियाको सर्वाधिक सफल टोली भारत र पाकिस्तान रहेको छ ।
यता, समूह ‘बी’ मा भने घरेलु टोली नेपालसहित श्रीलंका, माल्दिभ्स र भुटान रहेका छन् ।
नेपाल साविक उपविजेता टोली समेत हो ।
समूह चरणका खेलबाट प्रत्येक समूहको विजेता र उपविजेता टोली सेमिफाइनलमा प्रवेश गर्नेछ ।
नेपालले यसपल्ट उपाधिको खडेरी टोड्ने लक्ष्य लिएको छ ।
लेखक
