भक्तपुर । एपिएफ फुटबल क्लब एसियाली महिला क्लब फुटबलको शीर्ष प्रतियोगिता एएफसी महिला च्याम्पियन्स लिगको प्रारम्भिक चरणअन्तर्गत खेलमा एफसी सेभिन्च क्वार्शी (नासाफ) संग पराजित भएको छ ।
आईतवार साँझ भएको प्रारम्भिक छनोटअन्तर्गत पहिलो खेलमा नेपालको एपिएफ फुटबल क्लब उज्बेकिस्तानी क्लब एफसी सेभिन्च क्वार्शीसंग १–० ले पराजित भएको हो ।
मलेसियाको कोटा किनाबालुस्थित लिकास रंगशालामा भएको खेलमा लिली निबेल लोरेन्सले नासफको लागि विजयी गोल गरिन् ।
पहिलो हाफ गोलरहित बराबरीमा सकिएको खेलमा दोस्रो हाफको ४९ औं मिनेटमा लोरेन्सले गोल गर्दै नासाफलाई १–० ले अघि बढाइन् ।
एक गोलले पछि परेतापनि एपिएफ भने फर्किन सकेन ।
पराजयसंगै समूह ‘सी’ मा रहेको एपिएफले अंकको खाता भने खोल्न सकेन ।
यता, नासाफले भने अंक तालिकामा ३ अंक जोडेको छ ।
लेखक
