एजेन्सी । कतारमा जारी एएफसी एसियन कपअन्तर्गत खेलमा जोर्डनले मलेसियामाथि फराकिलो जित हासिल गरेको छ ।
सोमवार राति भएको खेलमा जोर्डनले मलेसियामाथि ४–० को फराकिलो जित हासिल गरेको हो ।
अल जानौब स्टेडियममा भएको खेलमा जोर्डनका लागि महमुद अल मार्डी र मौसा तमारीले समान दुई–दुई गोल गरे ।
खेल सुरु भएको १२ औं मिनेटमा यजान अल नैमतको पासमा मार्डीले गोल गर्दै जोर्डनलाई सुरुवाती अग्रता दिलाए ।
त्यसपछि १८ औं मिनेटमा तमारीले पेनाल्टीमार्फत गोल गर्दै जोर्डनको अग्रता दोब्बर पारे ।
यता, ३२ औं मिनेटमा याजान अल नाइमतको पासमा मार्डीले व्यक्तिगत रुपमा दोस्रो गोल थप्दा जोर्डन पहिलो हाफसम्ममा ३–० ले अघि बढ्यो ।
त्यस्तै, दोस्रो हाफको ८५ औं मिनेटमा अनास अल अवादको पासमा तमारीले गोल थप्दा जोर्डन ४–० ले विजयी भयो ।
फराकिलो जितसंगै समूह ‘इ’ मा रहेको जोर्डनले तालिकामा ३ अंक जोड्दै शीर्ष स्थानमा उक्लिएको छ ।
पराजित मलेसिया समूह तालिकाको पुच्छारमा रहेको छ ।
त्यसअघि गयराति नै भएको अर्को खेलमा इराकले इन्डोनेसियामाथि ३–० को जित निकाल्यो ।
लेखक
