एजेन्सी । चिरपरिचित प्रतिद्वन्दी बार्सिलोनामाथि फराकिलो जित हासिल गर्दै रियल मड्रिडले स्पेनिस फुटबल प्रतियोगिता सुपरकोपा दि इस्पानाको उपाधि जितेको छ ।

आईतवार राति भएको फाइनल खेलमा साविक विजेता समेत रहेको बार्सिलोनामाथि ४–१ को फराकिलो जित हासिल गर्दै रियल मड्रिडले सुपरकोपा दि इस्पानाको उपाधि जितेको हो ।

योसंगै गएको सिजन बार्सिलोनासंग हारेको बदला पनि मड्रिडले लिएको छ ।

साउदी अरबियाको अल अवाल एट किंग साउद युनिभर्सिटी रंगशाला भएको फाइनल खेलमा मड्रिडको जितमा भिनिसियस जुनियरले ह्याट्रिक हान्दा रोड्रिगोले अर्को एक गोल थपे ।

पराजित बार्सिलोनाका लागि रोबर्ट लेवान्डोस्कीको गोल सान्तोनामै सिमित बन्यो ।

एल क्लासिकोका रुपमा समेत चिनिने यी दुई प्रतिद्वन्दीबीचको फाइनल खेल सुरु भएको सातौं मिनेटमा जुडे बेलिङघमको पासमा भिनिसियसले गोल गर्दै मड्रिडलाई सुरुवाती अग्रता दिलाए ।

त्यसको तीन मिनेटपछि नै रोड्रिगोको पासमा भिनिसियसले व्यक्तिगत रुपमा दोस्रो गोल गर्दा मड्रिड २–० ले अघि बढ्यो ।

तर, ३३ औं मिनेटमा लेवान्डोस्कीले गोल फर्काउँदा खेल २–१ को अवस्थामा आयो ।

यता, ३९ औं मिनेटमा भिनिसियसले पेनाल्टीमार्फत गोल गर्दै ह्याट्रिक पूरा गर्दा मड्रि ३–१ को सहज अग्रतातर्फ अघि बढ्यो ।

त्यसपछि दोस्रो हाफको ६४ औं मिनेटमा रोड्रिगोले गोल थप्दा मड्रिड ४–१ ले अघि बढ्यो ।

उता, खेलको ७१ औं मिनेटमा रोनाल्ड अराउजोले दोहोरो पँहेलो कार्ड पाउँदा बार्सिलोना १० खेलाडीमा समेतियो ।

त्यसपछि खेलमा थप गोल निस्किएन ।

क्रीतिमानी १४ औं पटकका विजेता क्याटलान क्लबमाथि फराकिलो जितसंगै मड्रिडले १३ औं सुपरकोपाको उपाधि जित्न सफल भयो ।

लेखक

प्रतिकृया दिनुहोस्

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.