एजेन्सी । स्पेनिस महारथी रियल मड्रिड ला लिगाअन्तर्गत खेलमा भिल्लारियलसंग बराबरीमा रोकिएको छ ।
आईतवार राति भएको खेलमा ला लिगा विजेता रियल मड्रिड भिल्लारियलसंग ४–४ को बराबरीमा रोकिएको हो ।
भिल्लारियलको घरेलु मैदान इस्टाडियो दि ला सेरामिका रंगशालामा भएको खेलमा घरेलु टोलीका लागि एलेक्सान्डर सोर्लोथले चारै गोल गर्दा भ्रमणकारी टोली मड्रिडका लागि अर्डा गुलेरले दुई, जोसेलु र लुकास भाजक्वेजले एक–एक गोल गरे ।
खेल सुरु भएको १४ औं मिनेटमा ब्राहिम डाइजको पासमा गुलेरले गोल गर्दै भ्रमणकारी टोलीलाई सुरुवाती अग्रता दिलाए ।
त्यसपछि ३० औं मिनेटमा भाजक्वेजको पासमा जोसेलुले गोल थप्दा मड्रिड २–० ले अघि बढ्यो ।
तर, ३९ औं मिनेटमा घरेलु टोलीका लागि यारसन मोस्क्वेराको पासमा सोर्लोथले गोल फर्काउँदा खेल २–१ को अवस्थामा आयो ।
त्यसको एक मिनेटपछि नै डाइजको पासमा भाजक्वेजले गोल थप्दा मड्रिड ३–१ ले अघि बढ्यो ।
यता, पहिलो हाफको इन्जुरी समयको दोस्रो मिनेटमा भाजक्वेटको पासमा गुलेरले व्यक्तिगत रुपमा दोस्रो गोल थप्दा मड्रिड ४–१ को आरामदायी अग्रतातर्फ अघि बढ्यो ।
तर, दोस्रो हाफको ४८, ५२ र ५६ औं मिनेटमा सोर्लोथले गोल फर्काउँदा खेल ४–४ को बराबरीमा सकियो ।
बराबरीसंगै मड्रिडले ३७ खेलमा ९४ अंक जोडेको छ ।
यता, भिल्लारियलले भने समान खेलमा ५२ अंक जोड्दै लिग तालिकाको आठौं स्थानमा रहेको छ ।
लेखक
