भक्तपुर । नेपाली महिला फुटबल टोलीले भारतिय महिला टोलीसंग रोमाञ्चक बराबरीमा खेलेको छ ।
बुधबार राति भएको मैत्रीपूर्ण खेलमा नेपाली टोलीले भारतिय टोलीसंग रोमाञ्चक २–२ को बराबरी खेलेको हो ।
चेन्नईस्थित जवाहरलाल नेहरू रंगशालामा दुई गोलले पछि परेको स्थिति उल्टाउँदै नेपालले भारतसंग रोमाञ्चक बराबरी गरेको हो ।
नेपाली टोलीका लागि स्टार स्ट्राइकर साबित्रा भण्डारी (साम्बा) ले २ गोल गर्दा भारतिय टोलीका लागि सौम्या गुगुलोथ र इन्दुमथी काथिरेसनले गोल गरेका थिए ।
पहिलो हाफ गोलरहित बराबरीमा सकिएको खेलमा सौम्या गुगुलोथले ५६ औं मिनेटमा गोल गर्दै भारतलाई सुरुवाती अग्रता दिलाएकी थिइन् ।
त्यसपछि ६८ औं मिनेटमा इन्दुमथी काथिरेसनले गोल थप्दा भारतिय टोली २–० ले अघि बढेको थियो ।
खेलको अन्तिम समयतिर ९० औं मिनेटमा साम्बाले पेनाल्टीमार्फत गोल गर्दै नेपाललाई २–१ को स्थितिमा ल्याईन् ।
त्यसपछि खेलको इन्जुरी समयमा साम्बाले व्यक्तिगत दोस्रो गोल गर्दै नेपाललाई रोमाञ्चक रुपमा २–२ गोलको बराबरीमा ल्याइन् ।
नेपाली टोलीले र भारतिय टोलीसंग सनिवार दोस्रो तथा अन्तिम मैत्रीपूर्ण खेल खेल्नेछ ।
लेखक
