भक्तपुर । सिद्धी स्मृति भक्तपुर फुटबल क्लबको आयोजनामा सनिवारबाट सिद्धी मेमोरियल ग्रासरुट फुटबल फेस्टिभल आरम्भ गरिएको छ ।
विद्यालयस्तरबाटै स्तरिय खेलाडी उत्पादन गर्ने लक्ष्यका साथ भक्तपुर नगरपालिका वडा नम्बर ८ स्थित महेश्वरी खेल मैदानमा २४० स्कुले विद्यार्थीहरुको सहभागिता रहेको ग्रासरुट फुटबलको उद्घाटन गरिएको हो ।
सिद्धी स्मृति प्रतिस्थानका अध्यक्ष तथा भक्तपुर फुटबल क्लबका प्रमूख सल्लाहकार श्याम सुन्दर धौभडेलको ७० औं जन्मदिनको अवसर पारेर ग्रासरुट फेस्टिभल आरम्भ गरिएको हो ।
प्रत्येक सनिवार विहान ८ बजेदेखि १० बजेसम्म प्रशिक्षण गराइने ग्रासरुट फुटबलको उद्घाटन नवनिर्वाचित प्रदेश सांसाद सुरेन्द्रराज गोसाईले गर्नु भएको थियो ।
ग्रासरुट आरम्भ कार्यक्रममा यू–२० राष्ट्रिय फुटबल टोलीका मूख्य प्रशिक्षक मेघराज केसी, एन्फा टेक्निकल चिफ नविन महर्जन, राष्ट्रिय फुटबल खेलाडी विकेश कुथु, जिल्ला खेलकुद विकास समिति भक्तपुरका अध्यक्ष दिपक थापा, एन प्याप्सनका अध्यक्ष सञ्जय खड्का र माउण्ट एभरेस्ट ई. स्कुलका प्रअ तथा नेपाल कब्बडी संघका केन्द्रिय उपाध्यक्ष संगीता हमाल लगायतको उपस्थिति थियो ।
ग्रासरुट फेस्टिभलको उद्घाटन समारोह क्लबका अध्यक्ष राम प्रजापतिको सभापतित्वमा सम्पन्न भएको थियो ।
लेखक
