एजेन्सी । जर्मन महारथी ब्रायन म्युनिख बुडेसलिगामा तुलनाल्मक रुपमा कमजोर प्रतिद्वन्दी बुरुसिया मोनचेनग्लाबाकसंग पराजित भएको छ ।
सनिवार राति भएको खेलमा ब्रायन म्युनिख बुरुसिया मोनचेनग्लाबाकसंग ३–२ ले पराजित भएको हो ।
स्टादियन इम बुरुसिया पार्क रंगशालामा भएको खेलमा ८ औं मिनेटमा भ्रमणकारी टोली ब्रायन १० खेलाडीमा समेतिएको थियो ।
ब्रायनका दायोट उपामेकानोले रोतो कार्ड पाउँदै मैदान छोड्दा साविक विजेता ब्रायन १० खेलाडीमा समेतिएको थियो ।
त्यसको ५ मिनेट पछि मोनचेनग्लाबाकले खेलमा अग्रता लियो । १३ औं मिनेटमा घरेलु टोलीका लागि लार्स स्टिन्दलले गोल गर्दै १–० ले अघि बढाए ।
३५ औं मिनेटमा इरिक म्याक्सिम चौपो मोटिङको गोलमार्फत ब्रायनले खेल १–१ को बराबरीमा ल्याए ।
दोस्रो हाफको ५५ औं मिनेटमा जोनास होफम्यानले गोल गर्दा घरेलु टोलीले पुनः खेलमा २–१ को अग्रता लियो ।
त्यसपछि ८४ औं मिनेटमा मार्कुस थुरामले गोल गर्दा मोनचेनग्लाबाक ३–१ ले अघि बढ्यो । खेलको अन्त्यतिर ९३ औं मिनेटमा ब्रायनका म्याथिस टेलले गोल फर्काउँदै खेललाई ३–२ मा ल्याए ।
लिग लिडर ब्रायनलाई पराजित गरेको मोनचेनग्लाबाक २१ खेलमा २९ अंक जोड्दै बुडेसलिगाको तालिकामा आठौं स्थानमा उक्लेको छ ।
यता, पराजित ब्रायनको समान खेलमा ४३ अंक छ । ब्रायन तालिकाको शीर्ष स्थानमै कायम छ ।
सनिवार राति नै भएको अन्य खेलहरुमा होफिङहममाथि अग्सबर्गले १–० को जित हात पार्दा भिएफएल उल्भ्सबर्ग आरबी लाइपिजिङसंग ३–० ले पराजित भयो ।
त्यस्तै, भिएफबी स्टुटगार्डले एफसी कोल्नलाई ३–० ले हराउँदा भिएफएल बोचुमभने एससी फ्रेइबर्गसंग २–० ले पराजित भयो ।
लेखक
