एजेन्सी । बायर लेभरकुसेनले जर्मन बुडेसलिगाअन्तर्गत खेलमा एससी फेइबर्गमाथि जित हासिल गरेको छ ।
आईतवार राति भएको खेलमा लिग लिडर बायर लेभरकुसेनले तुलनात्मक रुपमा कमजोर प्रतिद्वन्दी एससी फेइबर्गमाथि ३–२ को जित निकालेको हो ।
फेइबर्गको घरेलु मैदान युरोपा पार्क स्टाडिअन रंगशालामा भएको खेलमा भ्रमणकारी टोलीको जितमा फ्लोरियान विर्ट्ज, एडम ह्लोजेक र प्याट्रिक स्चिस्कले गोल गरे ।
पराजित घरेलु टोलीका लागि भने रिट्सु डोआन र यान्नीक कैटेलले समान एक–एक गोल गरे ।
खेल सुरु भएको दोस्रो मिनेटमा एलेक्स ग्रिमाल्डोको पासमा फ्रोरियानले गोल गर्दै भ्रमणकारी टोलीलाई सुरुवाती अग्रता दिलाए ।
तर, १० औं मिनेटमा लुकास होलेरको पासमा रिट्सुले घरेलु टोलीका लागि गोल फर्काउँदा खेल १–१ को बराबरीमा आयो ।
यता, ४० औं मिनेटमा एडमले गोल गर्दै लेभरकुसेनलाई २–१ ले अघि बढायो ।
त्यस्तै, दोस्रो हाफको ५३ औं मिनेटमा जेरेमी फ्रिमपोङको पासमा प्याट्रिकले गोल थप्दा लेभरकुसेन ३–१ ले अघि बढ्यो ।
तर, ७९ औं मिनेटमा यान्नीकले घरेलु टोलीका लागि गोल फर्काउँदा खेल ३–२ को अवस्थामा आयो ।
त्यसपछि खेलमा थप गोल भएन र भ्रमणकारी टोलीले जित्यो ।
जितसंगै लिग लिडर लेभरकुसेनले २६ खेलबाट ७० अंक जोडेको छ ।
पराजित घरेलु टोलीको भने समान २६ खेलबाट ३३ अंक रहेको छ ।
फेइबर्ग तालिकाको ९ औं स्थानमा झरेको छ ।
लेखक
