एजेन्सी । जर्मन महारथी बायर्न म्युनिख बुडेसलिगाअन्तर्गत खेलमा इन्ट्रेक्ट फ्रांकफ्रुटसंग बराबरीमा रोकिएको छ ।
आईतवार राति भएको खेलमा बायर्न म्युनिख इन्ट्रेक्ट फ्रांकफ्रुटसंग ३–३ गोलको बराबरीमा रोकिएको हो ।
फ्रांकफ्रुटको घरेलु मैदान डस्टचे ब्यांक पार्क रंगशालामा भएको खेलमा १५ औं मिनेटमा थोमस मुलरको पासमा किम मिन जायको गोलमा भ्रमणकारी टोली म्युनिखले सुरुवाती अग्रता लियो ।
तर, २२ औं मिनेटमा ओमार मारमौशले घरेलु टोलीका लागि गोल फर्काउँदा खेल १–१ को बराबरीमा आयो ।
त्यस्तै, ३५ औं मिनेटमा मारमौशकै पासमा ह्युगो इकिटिकेले गोल थप्दा घरेलु टोली २–१ ले अघि बढ्यो ।
तर, ३८ औं मिनेटमा डायोट उपामेकानोले म्युनिखका लागि गोल फर्काउँदा खेल २–२ को बराबरीमा आयो ।
यता, दोस्रो हाफको ५३ औं मिनेटमा ह्यारी केनको पासमा माइकल ओस्लेले गोल गर्दा म्युनिख ३–२ ले अघि बढ्यो ।
प्रतिस्पर्धात्मक खेलको अन्त्यतिर इन्जुरी समयको चौथौं मिनेटमा इरिक जुनियर डिना इबिम्बेको पासमा मारमौशले घरेलु टोलीका लागि गोल फर्काउँदा खेल ३–३ को बराबरीमा सकियो ।
बराबरीसंगै दुबै टोलीले अंक बाँडेका छन् ।
म्युनिखले ६ लिग खेलबाट १४ अंक जोड्दै लिग तालिकाको शीर्ष स्थानमा कायम रहेको छ ।
फ्रांकफ्रुटले भने समान ६ खेलमा १३ अंक जोड्दै लिग तालिकाको तेस्रो स्थानमा उक्लिएको छ ।
लेखक
