एजेन्सी । ला लिगा क्लबद्वय बार्सिलोना र ओसासुना कोपा डेल रेको सेमिफाइनलमा प्रवेश गरेको छ ।
बुधवार राति भएको खेलहरुमा बार्सिलोनाले रियल सोसिडाडलाई १–० ले पाखा लगाउँदै सेमिफाइनलमा स्थान बनाउँदा ओसासुनाले सेभिल्लालाई २–१ ले पराजित गर्दै अन्तिम ४ को स्थान सुरक्षित गरेको हो ।
क्याम्प नौमा भएको खेलमा बार्सिलोनाका लागि एकमात्र निर्णायक गोल खेलको ५२ औं मिनेटमा ओसमान डेम्बेलेले गरेका थिए । डेम्बेलेलाई जुलिस कौन्डेले पास उपलब्ध गराएका थिए ।
घरेलु मैदानमा प्राप्त महत्वपूर्ण जितसंगै उपाधि दाबेदार मानिएको बार्सिलोना प्रतियोगिताको सेमिफाइनल पुगेको हो ।
यता, गयराति नै भएको अर्को खेलमा ओसासुना र सेभिल्ला आमनेसामने भएको थियो इल सदार रंगशालामा ।
जहाँ घरेलु टोली ओसासुनाले सेभिल्लामाथि २–१ को जित हात पार्यो ।
पहिलो हाफ गोलरहित बराबरीमा सकेको खेलको ७१ औं मिनेटमा घरेलु टोलीले इजेक्युइल अभिलाको गोलमार्फत सुरुवाती अग्रता लिएको थियो ।
त्यसपछि खेलको अन्तिम समय ९४ औं मिनेटमा सेभिल्ला योसुफ इन नेस्रीमने गोलमार्फत खेलमा फर्कियो ।
निर्धारित समयको खेल १–१ को बराबरीमा सर्किपछि खेल अतिरिक्त ३० मिनेट लम्बियो । जहाँ ९९ औं मिनेटमा अब्देस्समद इज्जाल्जौलीले गोल गर्दा ओसासुना २–१ ले विजयी रह्यो ।
स्पेनिस प्रतिष्ठित प्रतियोगिताअन्तर्गत विहिवार राति पनि दुई खेल हुदैछन् ।
पहिलो खेलमा भेलेन्सिया र एट्लेटिक क्लब आमनेसामने हुनेछ भने दोस्रो खेलमा बलियो प्रतिद्वन्दी रियल मड्रिड र एट्लेटिको मड्रिडवीच प्रतिस्पर्धा हुनेछ ।
लेखक
