भक्तपुर । नेपाल एएफसी यु–२० एसियन कप २०२५ छनोट खेलमा बहराइनसंग फराकिलो गोलअन्तरले पराजित भएको छ ।
शुक्रवार भएको छनोटअन्तर्गत समूह चरणको अन्तिम खेलमा नेपाल बहराइनसंग ४–० को फराकिलो गोलअन्तरले पराजित भएको हो ।
ताइवानस्थित न्यु ताइपेई सिटीस्थित फु जेन काठोलिक युनिभर्सिटी रंगशालामा भएको खेलमा नेपालले पहिलो र दोस्रो हाफमा समान दुई–दुई गोल बेहोर्यो ।
पराजयसंगै नेपालको एसियन कप छनोट यात्रा पनि टुंगिएको छ ।
समूह ‘बी’ मा रहेको नेपालले छनोट चरणमा चार खेल खेल्दा एकमा जित र तीनमा हारको नतिजा बेहोर्दै समूह तालिकामा मात्र तीन अंक जोड्दै चौथौं स्थानमा रह्यो ।
लेखक
