एजेन्सी । साविक विजेता म्यानचेस्टर सिटीले बर्नमाउथमाथि इंग्लिस प्रिमियर लिगमा फराकिलो जित हात पारेको छ ।
सनिवार राति भएको खेलमा म्यानचेस्टर सिटीले बर्नमाउथमाथि ४–१ को फराकिलो जित हात पारेको हो ।
भितालिती रंगशालामा घरेलु टोलीलाई पराजित गर्न सिटीका लागि जुलियान अल्भारेज, इर्लिङ हालान्ड, फिल फोडेनले समान १–१ गोल गर्दा अर्को एक गोल बर्नमाउथका क्रिस मेपहमले आत्मघाती गरेका थिए ।
घरेलु टोलीका लागि जेफेरसन लेमाएले सान्तोना गोल फर्काए ।
खेलको १५ औं मिनेटमा अल्भारेजको गोलमार्फत सुरुवाती अग्रता लिएको सिटीले २९ औं मिनेटमा हालान्डको गोलमार्फत अग्रता दोब्बर गरेको थियो । उक्त गोल हालान्डको जारी सिजनमा २७ औं गोल समेत रह्यो ।
त्यसपछि ४५ औं मिनेटमा फोडेनले गोल गर्दा सिटी पहिलो हाफमा ३–० ले अघि बढेको थियो ।
दोस्रो हाफको ५१ औं मिनेटमा मेपहमले आत्मघाती गोल गर्दा सिटी ४–० ले अघि बढ्यो । खेलको अन्त्यतिर ८३ औं मिनेटमा लेर्माले बर्नमाउथका लासग एक गोल फर्काए ।
जितसंगै सिटीको जारी लिगमा २५ खेलमा ५५ अंक भएको छ । सिटी एक खेल कम खेलेको आर्सनलभन्दा २ अंकले पछि रहँदै लिग तालिकाको दोस्रो स्थानमा छ ।
यता, पराजित बर्नमाउथको २४ खेलमा २१ अंक छ । बर्नमाउथ तालिकाको १९ औं स्थानमा छ ।
त्यसअघि सनिवार नै भएको अन्य खेलहरुमा लिग लिडर आर्सनलले लेस्टरसिटीलाई १–० ले पराजित गर्दा लिड्स युनाइटेडले साउथह्याम्टनमाथि १–० कै जित निकाल्यो ।
एभर्टन एस्टनभिल्लामाथि २–० ले पराजित हुँदा वेस्टह्याम युनाइटेडले नटिङघम फोरेस्टमाथि ४–० को फराकिलो जित निकाल्यो ।
लेखक
