एजेन्सी । इंग्लिस प्रिमियर लिगअन्तर्गत खेलमा आर्सनलले सहज जित दर्ता गरेको छ ।
सनिवार साँझ भएको खेलमा लिग लिडर आर्सनलले तुलनात्मक रुपमा कमजोर प्रतिद्वन्दी बर्नमाउथमाथि ३–० को सहज जित दर्ता गरेको हो ।
गर्नसका रुपमा समेत चिनिने आर्सनलको घरेलु मैदान इमिरेट्स रंगशालामा भएको खेलमा घरेलु टोलीलाई जिताउन बुकायो साका, लियान्ड्रो ट्रोस्सार्ड र डिक्लेन राइसले गोल गरे ।
पहिलो हाफको ४५ औं मिनेटमा पेनाल्टीमा साकाले गोल गर्दा आर्सनलले सुरुवाती अग्रता लियो ।
त्यसपछि दोस्रो हाफको ७० औं मिनेटमा राइसको पासमा ट्रोस्सार्डले गोल थप्दा गर्नस २–० ले अघि बढ्यो ।
यता, खेलको अन्त्यतिर इन्जुरी समयको सातौं मिनेटमा ग्राबियल जेससको पासमा राइसले गोल थप्दा आर्सनल ३–० ले विजयी भयो ।
सहज जितसंगै शीर्ष स्थानमा रहेको आर्सनलको ३६ खेलबाट ८३ अंक भएको छ ।
आर्सनलको भन्दा दुई खेल कम खेलेको साविक विजेता म्यानचेस्टर सिटीको ७९ अंक रहेको छ ।
यता, पराजित बर्नमाउथको ३६ खेलमा ४८ अंकसहित तालिकाको १० औं स्थानमा रहेको छ ।
लेखक
