एजेन्सी । इंग्लिस प्रिमियर लिगमा म्यानचेस्टर युनाइटेडले बर्नमाउथमाथि सहज जित हात पारेको छ ।
मंगलवार राति भएको खेलमा युनाइटेडले बर्नमाउथमाथि ३–० को जित हात पारेको हो ।
ओल्डट्राफेडमा युनाइटेडका लागि क्यासिमेरो, लुक स र माकुर्स रासफोर्डले गोल गरे । खेलको २३ औं मिनेटमा क्यासिमेरोले गोल गर्दै घरेलु टोलीलाई सुरुवाती अग्रता दिलाएका थिए । क्रिस्टियन इरेक्सनको फ्रिकिक प्रहारमा क्यासिमेरोले गोल गरेका हुन् ।
पहिलो हाफ १–० ले अघि रहेको युनाइटेडले दोस्रो हाफमा लुक सको गोलमार्फत खेलमा २–० को अग्रता बनायो । सलाई एलेक्जान्द्रो ग्रानाचोले पास उपलब्ध गरेका थिए ।
त्यस्तै, खेलको ८६ औं मिनेटमा ब्रुनो फर्नाडेजको पासमा मार्कुस रासफोर्डले सहज गोल गर्दा युनाइटेड ३–० ले जित्यो ।
जितसंगै युनाइटेडले १७ खेलमा ३५ अंक जोडेको छ । रेड डेभिल्सका रुपमा समेत चिनिने युनाइटेड लिग तालिकाको चौथौं स्थानमा छ ।
पराजित बर्नमाउथ १८ खेलमा १६ अंकका साथ १५ औं स्थानमा छ ।
यता, गयराति नै सम्पन्न अन्य खेलहरुमा एभर्टन ब्राइटनसंग ४–१ ले स्तब्ध हुँदा फुलहमले लेस्टरसिटीलाई १–० ले पराजित गरेको छ ।
त्यस्तै, लिग लिडर आर्सनल र तेस्रो स्थानमा रहेको न्युक्यासल युनाइटेडले भने गोलरहित बराबरी खेलेको छ ।
लेखक
