एजेन्सी । निर्धारित समयपछि थपिएको ६ मिनेटको समयको अन्तिम समयमा सनसनीपूर्ण गोल विजयी गोल गर्दै आर्सनलले बर्नमाउथलाई इंग्लिस प्रिमियर लिगमा पराजित गरेको छ ।
सनिवार राति भएको खेलमा लिग लिडर आर्सनलले बर्नमाउथमाथि ३–२ को पुनरागमन जित हात पार्यो । एक समय २–० ले पछि रहेको स्थिति उल्टाउँदै आर्सनलले रोमाञ्चक जित निकालेको हो ।
इमिरेट्स रंगशालामा खेलको पहिलो मिनेटमै पिलिप बिलिङको गोलमार्फत र्बनमाउथले सुरुवाती अग्रता लिएको थियो ।
दोस्रो हाफको ५७ औं मिनेटमा मार्कोस सेन्सेइले गोल थप्दा भ्रमणकारी टोली २–० ले अघि बढेको थियो ।
खेलमा निरन्तर दवाव कायम गर्दै रहेको घरेलु टोली ६२ औं मिनेटमा थोमस पार्टीको गोलमार्फत खेलमा फर्कियो । त्यसको ८ मिनेटपछि ७० औं मिनेटमा बिन ह्वाइटले गोल गर्दै खेल २–२ को बराबरीमा आइपुग्यो ।
त्यसपछि अन्तिम समय ९७ औं मिनेटमा रेइस नेल्सनले सनसनीपूर्ण गोल गर्दै आर्सनललाई रोमाञ्चक जित दिलाए ।
जितसंगै शीर्ष स्थानमा रहेको आर्सनलको २६ खेलमा ६३ अंक भएको छ । यो भनेको निकतम प्रतिद्वन्दी म्यानचेस्टर सिटीको भन्दा ५ अंकले बढी हो ।
पराजित बर्नमाउथ २५ खेलमा २१ अंकका साथ तालिकाको पुछारबाट दोस्रो स्थानमा छ ।
सनिवार राति नै भएको अन्य खेलमा लण्डन क्लब चेल्सीले लिड्स युनाइटेडमाथि संघर्षपूर्ण १–० को जित हात पारेको छ ।
जारी सिजन निरन्तर खराब प्रदर्शनबाट गुज्रिरहेको ग्राहम पोटर नेतृत्वको चेल्सीलाई जितसंगै राहत मिलेको छ ।
यता, शीर्ष चारको प्रतिस्पर्धामा रहेको टोटनहम हटस्पर भने उल्भ्ससंग १–० ले स्तब्ध भएको छ ।
त्यस्तै, ब्राइटनले वेस्टह्याम युनाइटेडलाई ४–० ले पराजित गरेको छ ।
लेखक
