एजेन्सी । बंगलादेशविरुद्वको टि–२० आई सिरिज भारतले क्लिनस्विप गरेको छ ।
सनिवार राति भएको सिरिजअन्तर्गत तेस्रो तथा अन्तिम खेलमा भारतले बंगलादेशलाई १३३ रनले पराजित गर्दै सिरिज क्लिनस्विप गरेको हो ।
यसअघि भएको सिरिजअन्तर्गत दुबै खेलमा पनि भारत विजयी भएको थियो ।
भारतको हैदराबादस्थित राजिब गान्धि अन्तर्राष्ट्रिय क्रिकेट रंगशालामा भएको खेलमा २९८ रनको विशाल विजयी लक्ष्य पाएको बंगलादेशले निर्धारित २० ओभरको खेलमा ७ विकेट गुमाएर मात्र १६४ रन जोड्न सक्यो ।
बंगलादेशका लागि तौहिद हृदयले ४२ बलमा ५ चौका र ३ छक्का प्रहार गर्दै ६३ रनको अर्धशतकिय पारी खेल्दै अविजित रहँदा विकेटकिपर लिटन दासले २५ बल खेल्दै ८ चौका प्रहार गरेर ४२ रन जोड्दै पेविलियन फर्किए ।
त्यस्तै, ओपनर ब्याट्सम्यान तान्जिद हसनले १२ बलमा ३ चौका प्रहार गर्दै १५ रन जोडेर आउट हुँदा कप्तान नाजमुल हुसेन शान्तोले ११ बल खेल्नेक्रममा १ चौका र १ छक्का प्रहार गर्दै १४ रन जोडेर पेविलियन फर्किए।
यता, तान्जिम हसन सकिब ८ रनमा अविजित रहँदा महमुदुल्लाह ८ र माहिदी हसन ३ रनमा पेविलियन फर्किए ।
बंगलादेशका अन्य २ ब्याटर शुन्य रनमा पेविलियन फर्किए ।
बंगलादेशले अतिरिक्त रुपमा ११ रन जोड्यो ।
बंगलादेशलाई सस्तैमा समेत्दै जित हासिल गर्न भारतका लागि रबि बिस्नोईले ३ विकेट लिँदा मयङ्क यादवले २ तथा वासिन्टन सुन्दर र नितिश कुमार रेड्डीले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको भारतले विष्पोटक पारी खेल्दै निर्धारित २० ओभरको खेलमा ६ विकेट गुमाएर २९७ रनको विशाल योगफल तयार गर्यो ।
यो योगफल टि–२० फम्र्याटमा टेस्ट राष्ट्रको हालसम्मकै उच्च स्कोर हो ।
भारतका लागि ओपनर ब्याट्सम्यान सन्जु स्यामसनले ४७ बलमा ११ चौका र ८ छक्का प्रहार गर्दै १११ रनको शतकिय पारी खेल्दा कप्तान सुर्यकुमार यादवले ३५ बलमा ८ चौका र ५ छक्का प्रहार गर्दै ७५ रनको अर्धशतकिय पारी खेले ।
त्यस्तै, हार्दिक पाण्डेयाले १८ बलमा ४ चौका र ४ छक्का प्रहार गर्दै ४७ रन जोड्दै आउट हुँदा रियान परागले १३ बल खेल्नेक्रममा १ चौका र ४ छक्का प्रहार गर्दै ३४ रन जोडेर पेविलियन फर्किए ।
यता, रिंकु सिंह ८ र वासिन्टन सुन्दर १ रनमा अविजित रहँदा अभिषेक शर्मा ४ रनमा पेविलियन फर्किए ।
भारतले अतिरिक्त रुपमा १७ रन जोड्यो ।
बंगलादेशका लागि तान्जिम हसन सकिबले ३ विकेट लिँदा तास्किन अहमेद, मुस्ताफिजुर रहमान र महमुलुल्लाहले समान १–१ विकेट लिए ।
लेखक
