एजेन्सी । जर्मन बुडेसलिगामा बुरुसिया डर्टमण्डले एससी फ्रेइबर्गमाथि फराकिलो जित निकालेको छ ।
सनिवार भएको खेलमा डर्टमण्डले फ्रेइबर्गमाथि ५–१ को फराकिलो जित हात पारेको हो ।
सिग्नल इदुना पार्क रंगशालामा भएको खेलमा २६ औं मिनेटमा निको स्चलोटेरबेकको गोलमार्फ घरेलु टोली डर्टमण्डले सुरुवाती अग्रता लिएको थियो ।
तर, ४५ औं मिनेटमा लुकास होलेरको गोलमार्फत फ्रइबर्गले खेल बराबरीमा ल्यायो । पहिलो हाफ १–१ को बराबरीमा सकिएको खेलमा दोस्रो हाफ डर्टमण्डले गोलको बर्षा गर्यो ।
४८ औं मिनेटमा करिम अडेएमीको गोलमार्फट घरेलु टोलीले पुनः खेलमा अग्रता लियो । त्यसको ३ मिनेटपछि नै सेबास्टेन हेलारको गोलमार्फत खेल ३–१ को अवस्थामा पुग्यो ।
त्यसपछि ६९ औं मिनेटमा जुलियान ब्रान्ड्ट र ८२ औं मिनेटमा जियोभानी रेइनाले गोल गर्दा डर्टमण्ड ५–१ ले विजयी रह्यो ।
डर्टमण्डले बुडेसलिगामा १९ खेल खेलिसक्दा ३७ अंक बनाउँदै लिग तालिकाको तेस्रो स्थानमा उक्लिएको छ ।
फ्रेडबर्गको भने १९ खेलमा ३४ अंक छ । पराजयसंगै फ्रेइबर्ग तालिकाको छैटौं स्थानमा झरेको छ ।
बुडेसलिगाकै अन्य खेलमा भिएफएल बोचुमले होफिनहेमलाई ५–२ ले पराजित गर्दा इन्ट्राक्ट फ्राङ्कफ्रुटले हेर्था बिएससीलाई ३–० ले पराजित गरेको छ ।
लेखक
