एजेन्सी । बुरुसिया डर्टमण्डले जर्मन बुडेसलिगाअन्तर्गत खेलमा एससी फेइबर्गमाथि स्पष्ट जित निकालेको छ ।
शुक्रवार राति भएको खेलमा बुरुसिया डर्टमण्डले एससी फेइबर्गमाथि ३–० को स्पष्ट जित निकालेको हो ।
डर्टमण्डको घरेलु मैदान सिग्नल इन्दु पार्क रंगशालामा भएको खेलमा डोनएल मलेनले दुई गोल गर्दा निकलास फुलक्रुगले एक गोल थपे ।
खेल सुरु भएको १६ औं मिनेटमा निकलास फुलक्रुगको पासमा मलेनले गोल गर्दै घरेलु टोलीले सुरुवाती अग्रता लियो ।
त्यसपछि पहिलो हाफको अन्त्यतिर इन्जुरी समयको सातौं मिनेटमा फुलक्रुगकै पासमा मलेनले गोल थप्दा डर्टमण्ड २–० ले अघि बढ्यो ।
यता, खेलको अन्त्यतिर ८७ औं मिनेटमा इयान माटसेनको पासमा फुलक्रुगले गोल थप्दा डर्टण्ड ३–० ले विजयी भयो ।
स्पष्ट जितसंगै घरेलु टोलीले २१ खेलमा ४० अंक जोड्दै तालिकाको चौथौं स्थानमा कायम रहेको छ ।
समान खेल खेलेको भ्रमणकारी टोलीको २८ अंकसहित तालिकाको सातौं स्थानमा रहेको छ ।
लेखक
