एजेन्सी । ब्रेन्टफोर्डले इंग्लिस प्रिमियर लिगअन्तर्गत खेलमा फुलहममाथि रोमाञ्चक जित निकालेको छ ।
सोमवार राति भएको खेलमा लयमा रहेको ब्रेन्टफोर्डले फुलहमलाई ३–२ अन्तरले पराजित गरेको हो ।
ब्रेन्टफोर्डको घरेलु मैदान जिटेक कम्युनिटी रंगशालामा भएको खेलमा घरेलु टोलीका लागि इथन पिननक, इभान टोनी र म्याथिस जेन्सेनले गोल गर्दा फुलहमका लागि मनोर सोलोमोन र कार्लोस भिनिसियोसले एक–एक गोल फर्काए ।
खेलको छैटौं मिनेटमा पिननकले गोल गर्दै घरेलु टोलीलाई सुरुवाती अग्रता दिलाएका थिए ।
३९ औं मिनेटमा सोलोमोनले गोल फर्काउदै खेललाई १–१ को बराबरीमा ल्याएका थिए ।
दोस्रो हाफको ५३ औं मिनेटमा इभान टोनीले पेनाल्टीमा गोल गर्दा पुनः ब्रेन्टफोर्डले खेलमा २–१ को अग्रता लिएको थियो ।
त्यसपछि ८५ औं मिनेटमा जेनसेनले गोल थप्दा घरेलु टोली ३–१ को आरामदायी अवस्थामा पुग्यो ।
निर्धारित ९० मिनेटको अतिरिक्त थपिएको समयको अन्तिमतिर ९ औं मिनेटमा फुलहमका भिनिसियसले गोल फर्काउँदा खेल ३–२ ले टुंग्यिो ।
जितसंगै ब्रेन्टफोर्डले २४ लिग खेलमा ३८ अंक जोड्दै तालिकाको ९ औं स्थानमा रहेको छ ।
पराजित फुलहमको २६ खेलमा ३९ अंक छ । फुलहम लिग तालिकाको सातौं स्थानमा झरेको छ ।
लेखक
