एजेन्सी । लिग लिडर आर्सनलले इंग्लिस प्रिमियर लिगमा फुलहममाथि सहज जित निकालेको छ ।
आइतवार राति भएको खेलमा आर्सनलले घरेलु टोली फुलहममाथि ३–० को सहज जित निकालेको हो ।
आर्सनलका लागि ग्राबियल, ग्राब्रियल मार्टिनेली र मार्टिन ओडिगार्डले गोल गरेका थिए । ती सबै गोलमा लियान्द्रो ट्रोससार्डले असिस्ट प्रदान गरेका थिए ।
कार्भिन कटेजमा भएको खेलमा सबै तीनै गोल पहिलो हाफमा सम्भव भएको थियो ।
खेलको २१ औं मिनेटमा ग्रावियलले गोल गर्दै भ्रमणकारी टोलीलाई सुरुवाती अग्रता दिलाएका थिए ।
त्यसअघि घरेलु टोलीका एन्टोनी रोबिन्सनले गरेको गोललाई भिएआरले मान्यता दिएको थिएन ।
खेलको २६ औं मिनेटमा मार्टिनेलीले गोल गर्दा आर्सनल २–० ले अघि बढ्यो ।
पहिलो हाफको अतिरिक्त समयको दोस्रो मिनेटमा ओडिगार्डले गोल गर्दा आर्सनल ३–० ले अघि बढ्यो ।
जितसंगै आर्सनलको २७ खेलबाट ६६ अंक भएको छ । पराजित फुलहमको समान खेलमा ३९ अंक छ । फुलहम तालिकाको आठौं स्थानमा झरेको छ ।
आइतवार नै भएको अन्य खेलमा म्यानचेस्टर युनाइटेड तुलनात्मक रुपमा कमजोर टोली साउथह्याम्टनसंग गोररहित बराबरीमा रोकिँदा वेस्टह्याम युनाइटेड र एस्टनभिल्लाले पनि १–१ को बराबरी खेलेको छ ।
लेखक
