भक्तपुर । कतार विश्वकपको समूह ‘एफ’ मा यस समूहमा युरोपेली राष्ट्रहरु बेल्जियम र क्रोएसिया रहेका छन् । त्यस्तै, उत्तर अमेरिकी देश क्यानडा र अप्रिकी राष्ट्र मोरोक्को पनि रहेका छन् । यस्तोमा कतार विश्वकप खेल्ने समूह ‘एफ’ कस्तो छ त रु चर्चा गरौं ।
बेल्जियम
युरोपेली राष्ट्र बेल्जियम फिफा विश्वकपमा सन् १९३० यता १४ पटक सहभागी हुँदैछ । राम्रा खेलाडीहरुले भरिएको यो राष्टले सन् २०१८ को विश्वकपमा तेस्रो स्थान हासिल गरेको थियो ।
रेड डेभिल्सका रुपमा समेत चिनिने यो राष्ट्रले पछिल्लो समयको युईएफए नेसन्स लिगको अन्तिम चारसम्मको यात्रा पनि तय गरेको थियो ।
हाल फिफा वरियतामा दोस्रो स्थानमा रहेको यो राष्ट्रमा रोमेलु लुकाकु, इडेन हाजार्ड, केभिन डिब्रुइना, थिवाउट कर्टोसिसजस्ता चर्चित अनुहारहरु रहेका छन् । वर्तमान बेल्जियम टिमका कोच रोर्बटो मार्टिनेज रहेका छन् ।
क्रोएसिया
युरोपेली राष्ट्र क्रोएसिया गत संस्करणको फिफा विश्वकपको उपविजेता टोली हो । हालसम्म यो राष्ट्र ६ पटक विश्वकपमा छनोट भएको छ । सन् १९९६ मा युरोकप जितेको यो राष्ट्रको वर्तमान प्रशिक्षकमा ज्लाट्को डालिक रहेका छन् ।
रियल मड्रिडका स्टार लुका मोड्रिच यस टिमका कप्तान रहेका छन् । पछिल्लो फिफा वरियतामा यो राष्ट्र तेस्रो स्थानमा रहेको छ ।
मोरोक्को
सन् १९७० यता ६ पटक विश्वकपमा छनोट भएको अफ्रिकी राष्ट्र हो मोरोक्को । सन् १९७२ को अप्रिका कप अफ नेसन्सको विजेतासमेत रहेको यो राष्ट्रले पछिल्लोपटक रसिया विश्वकपमा पनि सहभागिता जनाएको थियो ।
वालिद रेगरागुईको मोरोक्कोका मूख्य प्रशिक्षक हुन् । चेल्सीका फरवार्ड हकिम जियाज, सभिल्लाका गोलकिपर बोनोजस्ता राम्रा खेलाडीहरु यो टोलीमा रहेका छन् ।
क्यानडा
पहिलोपल्ट सन् १९८६ मा फिफा विश्वकप खेलेको यो राष्ट्रले कतारमा जारी विश्वकपमा दोस्रोपटक सहभागिता जनाउँदैछ । उत्तर अमेरिकी यो टोली विश्वकपमा नौलो टोलीका रुपमा नै रहेको छ ।
पछिल्लो फिफा वरियतामा ४१ औं स्थानमा रहेको यो टोलीका कोच जोन हेर्डमान रहेका छन् । क्यानडा फुटबल टिमका कप्तान अतिबा हुटेचेन्सन रहेका छन् ।
लेखक
