भक्तपुर । कतारमा जारी विश्वकपअन्तर्गत सनिवार दुई समूहका दोस्रो चरणका लिग खेलहरु हुँदैछन् ।
अल जानोव रंगशालामा ट्युनिसिया र अस्ट्रेलिया भिड्दैछन् । यसअघि विश्वकपको पहिलो खेलमा ट्युनिसिया ले डेनमार्कसंग गोलरहित बराबरी खेलेको थियो भने अस्ट्रेलिया साविक विजेता फ्रान्ससंग ४–१ गालअन्तरले पराजित भएको थियो ।
विश्वकपको दोस्रो चरणको आशा जिवितै राख्न दुवै राष्ट्रलाई आजको खेल जित्नैपर्नेछ । यी दुई राष्ट्रको खेल आजको पहिलो खेल समेत हुनेछ । नेपाली समयअनुसार दिउँसोको पौने ४ बजे खेल सुरु हुनेछ ।
समूह ‘सी’ मा रहेका पोल्याण्ड र साउदी अरबिया आज इड्युकेशन सिटी रंगशालामा आमनेसामने हुँदैछन् ।
वर्तमान फुटबलका स्टार खेलाडी रोबर्टो लेवान्डोस्कीको कप्तानीमा रहेको पोल्याण्ड यसअघि पहिलो खेलमा मेक्सिकोसंग गोलरहित बराबरीमा रोकिएको थियो ।
त्यस्तै, एसियाली राष्ट्र साउदी अरबियाले भने उपाधि दाबेदार टोली अर्जेन्टिनालाई २–१ ले स्तब्ध पारेको थियो । त्यसैले आजको खेलका लागि अरबी टोली उच्च आत्मविश्वासका साथ मैदान ओर्लिने निश्चित छ ।
यता, प्रतियोगितामा अघिल्लो चरण प्रवेशको सम्भावना कायमै राख्न युरोपेली राष्ट्रलाई आजको खेलमा स्पष्ट जितको आवश्यकता छ । यो खेल नेपाली समयअनुसार साझँको पौने ७ बजे सुरु हुनेछ ।
आजको तेस्रो खेलमा साविक विजेता फ्रान्स र डेनमार्क ९७४ रंगशालामा आमनेसामने हुने तरखरमा छ । यो खेल नेपाली समयअनुसार रातको पौने १० बजे हुनेछ ।
समूह ‘डी’ मा रहेका यी दुई युरोपेली राष्ट्र आज जितका लागि नै मैदान ओर्लिने लगभग निश्चित छ ।
उपाधि रक्षा अभियानमा रहेको फ्रान्स आज डेनमार्कमाथि जित हात पार्दै नकआउट चरण प्रवेशको ढोका खोल्न चाहन्छ भने डेनिस टोलीलाई अघिल्लो चरण प्रवेश सम्भावना कायम राख्न आज स्पष्ट जितको खाँचो छ ।
डेनमार्कले जारी विश्वकपको पहिलो खेलमा ट्युनिसियासंग बराबरी खेलेको थियो ।
आजको चौथौं तथा अन्तिम खेल उपाधि दाबेदार राष्ट्र अर्जेन्टिना र मेक्सिकोबीच लुसाइल आइकोनिक रंगशालामा हुनेछ ।
यसअघि प्रतियोगिताको पहिलो खेलमा लियोनल मेसीको कप्तनीमा रहेको अर्जेन्टिना कमजोर मानिएको राष्ट्र साउदी अरेबियासंग २–१ ले पराजित भएको थियो ।
दुईपटकको विश्व विजेता टोलीलाई प्रतियोगितामा कायमै राख्न बाँकी दुईबटै समूह चरणका खेल जित्नै पर्ने दवाव छ ।
यता मेक्सिकोले पनि पहिलो खेल पोल्याण्डसंग बराबरी खेलेको हुँदा जितलाई नै प्राथमिकता दिने निश्चित छ ।
मेक्सिकन टोलीको ध्यान कम्तीमा पनि अर्जेन्टिनासंग अंक खोस्ने प्रयास हुनेछ । यो खेल मध्यरातको पौने १ बजे सुरु हुनेछ ।
लेखक
