भक्तपुर । कतारमा जारी फिफा विश्वकपमा विहिवार पनि चार खेल हुँदैछन् । समूह ‘जी’ र ‘एच’ का खेलहरु आज हुनेछन् ।
अल जानोब रंगशालामा आजको पहिलो खेलमा समूह ‘जी’ को युरोपेली राष्ट्र स्विजरल्याण्ड र अफ्रिकी राष्ट्र क्यामरन भिड्दैछन् । सो खेल नेपाली समयअनुसार पौने ४ बजे हुनेछ ।
दोस्रो खेलमा समूह ‘एच’ का दक्षिण अमेरिकी देश उरुग्वे र एसियाली राष्ट्र दक्षिण कोरिया आमानेसामने हुँदैछन् । सो खेल पौने ७ बजे इड्युकेशन सिटी रंगशालामा हुनेछ ।
त्यस्तै, तेस्रो खेलमा समूह ‘एच’ को पोर्चुगल र घानाबीच प्रतिस्पर्धा हुनेछ । क्रिस्चियानो रोनाल्डोको टिम पोर्चुगलले अफ्रिकी राष्ट्र घानासंग ९७४ रंगशालामा प्रतिस्पर्धा गर्नेछ ।
आजको चौथौं तथा अन्तिम खेलमा उपाधि दाबेदार ब्राजिलले सर्वियासंग खेल्दैछ । सो खेल मध्यरातको पौने १ बजे लुसाइल आइकोनिक रंगशालामा हुनेछ ।
लेखक
