एजेन्सी । इंग्लिस महारथी म्यानचेस्टर सिटीले इंग्लिस प्रिमियर लिगअन्तर्गत खेलमा फुलहममाथि फराकिलो जित निकालेको छ ।
सनिवार भएको खेलमा साविक विजेता समेत रहेको म्यानचेस्टर सिटीले फुलहममाथि ४–० को फराकिलो जित निकालेको हो ।
फुलहमको घरेलु मैदान कार्भिन कटेज रंगशालामा भएको खेलमा सिटीको जितमा जस्को ग्भार्डिओलले दुई गोल गर्दा फिल फोडेन र जुलियान अल्भारेजले समान एक–एक गोल गरे ।
खेल सुरु भएको १३ औं मिनेटमा केभिन डिब्रुएनाको पासमा ग्भार्डिओलले गोल गर्दै सिटीलाई सुरुवाती अग्रता दिलाए ।
त्यसपछि दोस्रो हाफको ५९ औं मिनेटमा बेनार्डो सिल्भाको पासमा फोडेनले गोल गर्दै भ्रमणकारी टोली २–० ले अघि बढ्यो ।
त्यसपछि ७१ औं मिनेटमा सिल्भाकै पासमा ग्भार्डिओलले व्यक्तिगत रुपमा दोस्रो गोल थप्दा सिटी ३–० ले अघि बढ्यो ।
यता, इन्जुरी समयको छैटौं मिनेटमा अल्भारेजले पेनाल्टीमा गोल थप्दै सिटीलाई ४–० को जित दिलाए ।
फराकिलो जितसंगै सिटीले ३६ खेलबाट ८५ अंक जोड्दै लिग तालिकाको शीर्ष स्थानमा उक्लिएको छ ।
पराजित फुलहमको ३७ खेलमा ४४ अंकसहित तालिकाको १४ औं स्थानमा रहेको छ ।
गयराति नै भएको प्रिमियर लिगअन्तर्गत अन्य खेलहरुमा चेल्सीले नटिङघम फोरेस्टमाथि ३–२ को प्रतिस्पर्धात्मक जित हासिल गर्दा क्रिस्टल प्यालेसले उल्भ्समाथि ३–१ को जित निकाल्यो ।
त्यस्तै, वेस्टह्याम युनाइटेडले लुटन टाउनमाथि ३–१ को जित निकाल्दा टोटनहम हटस्परले बर्नलीमाथि २–१ को जित दर्ता गर्यो ।
यता, न्युक्यासल युनाइटेड र ब्राइटनले १–१ को बराबरी खेल्दा एभर्टनले सेफिल्ड युनाइटेडमाथि १–० को जित निकाल्यो ।
उता, एएफसी बर्नमाउथ भने ब्रेन्टफोर्डसंग २–१ ले पराजित भयो ।
लेखक
