एजेन्सी । इंग्लिस प्रिमियर लिगअन्तर्गत म्यानचेस्टर डर्बीमा म्यानचेस्टर सिटीविरुद्व म्यानचेस्टर युनाइटेडले रोमाञ्चक पुनरागमन जित हात पारेको छ ।
सनिवार भएको रोमाञ्चक खेलमा युनाइटेडले सिटीविरुद्व २–१ को पुनरागमन जित हात पारेको हो ।
युनाइटेडको घरेलु मैदान ओल्डट्राफेडमा १–० ले पछि रहेको स्थिति उल्ट्याउँदै युनाइटेडले २–१ को जित रच्यो ।
घरेलु टोलीको जितमा ब्रुनो फर्नाडेज र मार्कुस रासफोर्डले गोल गर्दा सिटीका लागि ज्याक गिर्लिसले एक गो गरे ।
पहिलो हाफ गोलरहित बराबरीमा सकिएको १८९ औं म्यानचेस्टर डर्बी खेलमा ज्याक गिर्लिसले ६० औं मिनेटमा गोल गर्दै भ्रमणकारी टोलीलाई अग्रता दिलाएका थिए ।
तर, ७८ औं मिनेटमा फर्नान्डेजले गोल गर्दै युनाइटेडलाई १–१ को बराबरीमा फर्काए । फर्नान्डेजको गोललाई क्यासिमेरोले पास उपलब्ध गराएको थियो ।
बराबरीपछि रोमाञ्चक बनेको खेलमा रासफोर्डले ८२ औं मिनेटमा निर्णायक गोल गरे । परिर्वतित खेलाडीका रुपमा मैदान प्रवेश गरेका एलेक्जान्ड्रो ग्रानाचोको पासमा रासफोर्डले गोल गरेका थिए ।
सिटीविरुद्वको उक्त गोल रासर्फडको सिजनको १६ औं गोल हो । त्यस्तै, रासफोर्डले युनाइटेडका लागि पछिल्लो ८ खेलमा लगातार गोल ९ गोल गरेका छन् ।
जितसंगै युनाइटेड १८ खेलमा ३८ अंक जोड्दै प्रिमियर लिगको तालिकामा तेस्रो स्थानमा उक्लिएको छ । पराजित सिटीको समान खेलमा ३९ अंक छ ।
लेखक
