एजेन्सी । एएफसी बर्नमाउथले प्रिमियर लिगमा साउथह्याम्टनमाथि सहज जित हासिल गरेको छ ।
सोमवार राति भएको खेलमा एएफसी बर्नमाउथले साउथह्याम्टनमाथि ३–१ को सहज जित हासिल गरेको हो ।
बर्नमाउथको घरेलु मैदान भिटाली रंगशालामा भएको खेलमा घरेलु टोलीलाई जिताउन इभानिल्सन, डाङ्गो ओटारा, एन्टोनी सेमेन्योले गोल गरे ।
भ्रमणकारी टोलीका लागि भने टेलर हारउड बेलिसले सान्तोना गोल फर्काए ।
खेल सुरु भएको १७ औं मिनेटमा मार्कुस टाभेर्नियरको पासमा इभानिल्सनले गोल गर्दा घरेलु टोलीले सुरुवाती अग्रता लियो ।
त्यसपछि ३२ औं मिनेटमा लेविस कुकको पासमा ओटाराले गोल थप्दा बर्नमाउथ २–० ले अघि बढ्यो ।
त्यस्तै, ३९ औं मिनेटमा कुककै पासमा सेमेन्योले गोल गर्दा बर्नमाउथ पहिलो हाफसम्म ३–० को आरामदायी अग्रतामा अघि बढ्यो ।
यता, साउथह्याम्टनका लागि भने दोस्रो हाफको ५१ औं मिनेटमा बेलिसले गोल फर्काउँदा खेल ३–१ को अवस्थामा आयो ।
त्यसपछि खेलमा थप गोल भएन र खेल बर्नमाउथले जित्यो ।
महत्वपूर्ण जितसंगै बर्नमाउथले लिग तालिकामा ६ खेलबाट ८ अंक जोडेर १२ औं स्थानमा उक्लेको छ ।
पराजित साउथह्याम्टनको भने समान ६ खेलमा मात्र १ अंकसहित तालिकाको १९ औं स्थानमा रहेको छ ।
लेखक
