एजेन्सी । म्यानचेस्टर युनाइटेडले प्रिमियर लिगअन्तर्गत खेलमा सहज जित निकालेको छ ।
सनिवार भएको खेलमा म्यानचेस्टर युनाइटेडले तुलनात्मक रुपमा कमजोर प्रतिद्वन्दी साउथह्याम्टनमाथि ३–० को सहज जित निकालेको हो ।
साउथह्याम्टनको घरेलु मैदान सेन्ट मेरिस स्टेडियममा भएको खेलमा भ्रमणकारी टोली युनाइटेडका लागि मार्कुस रासफोर्ड, आलेहान्ड्रो ग्रानाचो र म्याथिस डि लिटले गोल गरे ।
युनाइटेडले पहिलो हाफमा दुई तथा दोस्रो हाफमा एक गोल गर्यो ।
खेलको ३३ औं मिनेटमा साउथल्याम्टनले अग्रता लिने सुनौलो अवसर गुमायो ।
आर्चर स्टेप्सले पेनाल्टी चुकाउँदा घरेलु टोली अग्रता लिनबाट चुक्न पुग्यो ।
यता, ३५ औं मिनेटमा ब्रुनो फर्नान्डेजको क्रसमा डि लिटले गोल गर्दै युनाइटेडलाई १–० ले अअि बढाए ।
त्यस्तै, ४१ औं मिनेटमा एमड डियालोको पासमा रासफोर्डले गोल थप्दा युनाइटेड २–० ले अघि बढ्यो ।
यता, दोस्रो हाफको इन्जुरी समयको छैटौं मिनेटमा डिएगो ड्यालोटको पासमा ग्रानाचोले गोल गर्दा युनाइटेड ३–० ले विजयी भयो ।
सहज जितसंगै युनाइटेडले चार खेलबाट ६ अंक जोड्दै लिग तालिकामा सातौं स्थानमा उक्लेको छ ।
पराजित साउथह्याम्टनले भने समान चार खेल खेलिसक्दा अंकको खाता भने खोल्न सकेको छैन ।
लेखक
