एजेन्सी । इंग्लिस प्रिमियर लिगअन्तर्गत खेलमा लुटन टाउन र एभर्टनले बराबरी खेलेका छन् ।
शुक्रवार राति भएको खेलमा रेलिगेशनबाट बच्न संघर्षरत लुटन टाउन र एभर्टनले १–१ को बराबरी खेलेका हुन् ।
लुटन टाउनको घरेलु मैदान केनिलवर्थ रोड रंगशालामा भएको खेलमा भ्रमणकारी टोलीका लागि डोमिनिक कार्भट लेविनले गोल गर्दा घरेलु टोलीका लागि इलिजाह अदेबायोले गोल फर्काए ।
दुबै गोल पहिलो हाफमा सम्भव भयो । खेलको २४ औं मिनेटमा लेविनले पेनाल्टीमा गोल गर्दै एभर्टनलाई १–० ले अघि बढाए ।
तर, ३१ औं मिनेटमा अर्बट साम्बी लाकोङ्गाको पासमा अदेबायोले गोल फर्काउँदा खेल १–१ को बराबरीमा आयो ।
बराबरीसंगै एभर्टनले ३६ खेलबाट ३७ अंक जोड्दै लिग तालिकाको १५ औं स्थानमा रहेको छ ।
यता, समान ३६ खेलबाट २६ अंक भएको लुटन तालिकाको १८ औं स्थानमा रहेको छ ।
लेखक
