एजेन्सी । आईपिएसविचमाथि सहज जित निकाल्दै लिभरपूलले प्रिमियर लिगमा विजयी सुरुवात गरेको छ ।
सनिवार साँझ भएको खेलमा तुलनात्मक रुपमा कमजोर प्रतिद्वन्दी आईपिएसविचमाथि २–० को सहज जित निकाल्दै लिभरपूलले सिजनमा विजयी सुरुवात गरेको हो ।
आईपिएसविचको घरेलु मैदान पोर्टम्यान रोड रंगशालामा भएको खेलमा मर्सिसाइड क्लबलाई जिताउन मोहम्मद सलाह र डिएगो जोटाले गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ६० औं मिनेटमा सलाहको पासमा जोटाले गोल गर्दै भ्रमणकारी टोलीलाई सुरुवाती अग्रता दिलाए ।
त्यसपछि ६५ औं मिनेटमा सालाहले गोल थप्दा लिभरपूल २–० ले अघि बढ्यो ।
यही सिजनमात्रै प्रिमियर लिगमा बदुवा भएको घरेलु टोलीले भने खेलमा गोल नकाल्न सकेन ।
सहज जितसंगै बलियो लिभरपूलले लिग तालिकामा ३ अंकको खाता खोलेको छ ।
लेखक
