एजेन्सी । फुलहमले प्रिमियर लिगअन्तर्गत खेलमा ब्रेन्टफोर्डमाथि पुनरागमन जित हासिल गरेको छ ।
सोमवार राति भएको खेलमा फुलहमले ब्रेन्टफोर्डमाथि २–१ को सनसनी पुनरागमन जित हासिल गरेको हो ।
फुलहमको घरेलु मैदान कार्भेन कटेज रंगशालामा भएको खेलमा हार उन्मुख फुलहमले इन्जुरी समयमा सनसनी दुई गोल गर्दै जित हासिल गर्यो ।
पहिलो हाफको २४ औं मिनेटमा किस्टियन नोरगार्डको पासमा भिटाली जानेल्टले गोल गर्दै भ्रमणकारी टोलीले सुरुवाती अग्रता लियो ।
तर, निर्धारित ९० मिनेटपछि थपिएको इन्जुरी समयको दोस्रो मिनेटमा एडमा टाउरेको पासमा ह्यारी विल्सनले घरेलु टोलीका लागि गोल फर्काउँदा खेल १–१ को बराबरीमा आयो ।
त्यसपछि इन्जुरी समयको सातौं मिनेटमा एन्टोनी रोबिन्सनको पासमा विल्सनले नै गोल थप्दा फुलहम २–१ ले विजयी भयो ।
जितसंगै फुलहमले १० खेलबाट १५ अंक जोडेर लिग तालिकाको नवौं स्थानमा उक्लिएको छ ।
पराजित ब्रन्टफोर्ड भने समान १० खेलमा १३ अंकसहित तालिकाको १२ औं स्थानमा झरेको छ ।
लेखक
