एजेन्सी । लिभरपूलले इंग्लिस प्रिमियर लिगअन्तर्गत खेलमा टोटनहम हटस्परमाथि जित निकालेको छ ।
आईतवार राति भएको खेलमा उपाधि होडमा रहेको लिभरपूलले टोटनहम हटस्परमाथि ४–२ को फराकिलो जित निकालेको हो ।
मर्सिसाइड क्लबको घरेलु मैदान एन्डफिल्ड रंगशालामा भएको खेलमा घरेलु टोलीको जितमा मोहम्मद सल्लाह, एन्ड्रेयु रोबर्टसन, कोडी गाक्पो र हार्भे इलियोटले गोल गरे ।
यता, पराजित टोलीका लागि रिर्चालेसन र सन ह्युङ मिनले समान एक–एक गोल फर्काए ।
खेल सुरु भएको १६ औं मिनेटमा गाक्पोको पासमा सल्लाहले गोल गर्दै घरेलु टोलीलाई सुरुवाती अग्रता दिलाए ।
त्यस्तै, पहिलो हाफको अन्त्यतिर ४५ औं मिनेटमा रोर्बटसनले गोल थप्दा लिभरपूल २–० ले अघि बढ्यो ।
यता, दोस्रो हाफको ५० औं मिनेटमा इलियोटको पासमा गाक्पोकोले गोल गर्दा मर्सिसाइड क्लब ३–० ले अघि बढ्यो ।
त्यसको ९ मिनेटपछि ५९ औं मिनेटमा सल्लाहको असिस्टमा इलियटले गोल गर्दा रेठ्सका रुपमा समेत चिनिने लिभरपल ४–० को फराकिलो अग्रतासहित अघि बढ्यो ।
तर, ७२ औं मिनेटमा टोटनहमका लागि ब्रेनान जोन्सनको पासमा रिर्चालेसनले गोल फर्काउँदा खेल ४–१ को अवस्थामा आयो ।
त्यस्तै, ७७ औं मिनेटमा रिर्चालेसनको पासमा सनले गोल गर्दा खेल ४–२ ले सकियो ।
फराकिलो जितसंगै ३६ खेलबाट लिभरपूलले ७८ अंक जोड्दै लिग तालिकाको तेस्रो स्थानमा कायम रहेको छ ।
पराजित टोटनहमको भने ३५ खेलबाट ६० अंकसहित तालिकाको पाँचौं स्थानमा रहेको छ ।
लेखक
