एजेन्सी । चेल्सीले इंग्लिस प्रिमियर लिगअन्तर्गत खेलमा टोटनहम हटस्परमाथि सहज जित निकालेको छ ।
विहिवार राति भएको खेलमा चेल्सीले टोटनहम हटस्परमाथि २–० को सहज जित निकालेको हो ।
चेल्सीको घरेलु मैदान स्टामफोर्ड ब्रिज रंगशालामा भएको खेलमा घरेलु टोलीलाई जिताउन ट्रेभोह चालोबाह र निकोलास ज्याक्सनले गोल गरे ।
पहिलो हाफको २४ औं मिनेटमा कोनर गालाघरको पासमा चालोबाहले गोल गर्दै घरेलु टोलीलाई सुरुवाती अग्रता दिलाए ।
त्यसपछि दोस्रो हाफको ७२ औं मिनेटमा ज्याक्सनले गोल थप्दा चेल्सी २–० ले विजयी भयो ।
सहज जितसंगै ३४ खेलबाट ५१ अंक जोड्दै लिग तालिकाको आठौं स्थानमा उक्लिएको छ ।
पराजित टोटनहमको समान ३४ खेलबाट ६० अंकसहित लिग तालिकाको पाँचौं स्थानमा रहेको छ ।
लेखक
