एजेन्सी । प्रिमियर लिगको साताको हेभिवेट भिडन्तमा चेल्सी र आर्सनलले बराबरी खेलेका छन् ।
आईतवार राति भएको लण्डन डर्बी खेलमा चेल्सी र आर्सनलले १–१ को बराबरी खेलेका हुन् ।
चेल्सीको घरेलु मैदान स्टामफोर्ड ब्रिड्ज रंगशालामा भएको खेलमा आर्सनलका लागि ग्राबियल मर्टिनली र घरेलु टोलीका लागि पेड्रो नेटोले गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ६० औं मिनेटमा मार्टिन गोडिगार्डको पासमा मर्टिनेलीले गोल गर्दै भ्रमणकारी टोलीलाई १–० ले अघि बढाए ।
तर, ७० औं मिनेटमा इन्जो फर्नान्डेजको पासमा नेटोले चेल्सीका लागि गोल फर्काउँदा खेल १–१ को बराबरीमा आयो ।
त्यसपछि खेलमा थप गोल निस्किएन ।
बराबरीसंगै दुबै टोलीले एक–एक अंक बाँडेका छन् ।
चेल्सीले ११ खेलबाट १९ अंक जोडेर लिग तालिकाको तेस्रो स्थानमा उक्लिएको छ ।
आर्सनलको पनि समान ११ खेलमा समान १९ नै अंक भएतापनि गोलअन्तरका आधारमा तालिकाको चौथौं स्थानमा रहेको छ ।
लेखक
