एजेन्सी । इंग्लिस महारथी म्यानचेस्टर सिटीले प्रिमियर लिगमा उल्भ्समाथि संघर्षपूर्ण जित हासिल गरेको छ ।
आईतवार राति भएको खेलमा साविक विजेता समेत रहेको म्यानचेस्टर सिटीले उल्भ्समाथि संघर्षपूर्ण जित हासिल गरेको हो ।
उल्भ्सको घरेलु मैदान मोलिनेउक्स स्टेडियममा भएको खेलमा सिटीले जित निकाल्न अन्तिम समयसम्म कुर्न पर्यो ।
खेल सुरु भएको सातौं मिनेटमा नेल्सन सेमेडोको पासमा जोर्गेन स्ट्रान्ड लार्सेनले गोल गर्दै घरेलु टोलीलाई सुरुवाती अग्रता दिलाए ।
तर, ३३ औं मिनेटमा जेरेमी डोकुको पासमा जस्को ग्भार्डियोलले भ्रमणकारी टोलीका लागि गोल फर्काउँदा खेल १–१ को बराबरीमा आयो ।
बराबरी उन्मुख खेलमा इन्जुरी समयको पाँचौं मिनेटमा फिल फोडेनको कर्नरमा जोन्स स्टोन्सले गोल गर्दै सिटीलाई २–१ ले जिताए ।
जितसंगै सिटीले ८ खेलबाट २० अंक जोडेर लिग तालिकाको शीर्ष स्थानमा उक्लिएको छ ।
पराजित उल्भ्सको भने समान ८ खेलमा १ अंकसहित तालिकाको पुच्छार अर्थात् २० औं स्थानमा छ ।
लेखक
