एजेन्सी । लिभरपूलले प्रिमियर लिगमा उल्भ्समाथि जित निकालेको छ ।
सनिवार राति भएको खेलमा लिभरपूलले उल्भ्समाथि २–१ को जित निकालेको हो ।
उल्भ्सको घरेलु मैदान मोलिनेउक्स रंगशालामा भएको खेलमा भ्रमणकारी टोली लिभरपूललाई जिताउन इब्राहिमा कोनाटे र मोहम्मद सल्लाहले गोल गरे ।
पराजित घरेलु टोलीका लागि भने रायन ऐट नौरीले एक गोल फर्काए ।
पहिलो हाफको इन्जुरी समयको दोस्रो मिनेटमा डिएगो जोटाको पासमा कोनाटेले गोल गर्दै लिभरपूललाई १–० ले अघि बढाए ।
तर, दोस्रो हाफको ५६ औं मिनेटमा नौरीले घरेलु टोलीका लागि गोल फर्काउँदा खेल १–१ को बराबरीमा आयो ।
त्यसपछि ६१ औं मिनेटमा सल्लाहले पेनाल्टीमा गोल गर्दै मर्सिसाइड क्लबलाई २–१ ले जिताए ।
जितसंगै लिभरपूलले ६ खेलबाट १५ अंक जोड्दै लिग तालिकाको शीर्ष स्थानमा उक्लिएको छ ।
पराजित उल्भ्सको भने ६ खेलबाट मात्र १ अंकसहित तालिकाको पुच्छारमा रहेको छ ।
लेखक
