एजेन्सी । आर्सनलले प्रिमियर लिगमा सुखद सुरुवात गरेको छ ।
सनिवार राति भएको खेलमा उल्भ्समाथि २–० को सहज जित निकाल्दै आर्सनलले नयाँ सिजनको सुखद सुरुवात गरेको हो ।
आर्सनलको घरेलु मैदान इमिरेट्स रंगशालामा भएको खेलमा घरेलु टोलीलाई जिताउन काइ हार्भाटेज र बुकायो साकाले गोल गरे ।
पहिलो हाफको २५ औं मिनेटमा साकाको क्रसमा हार्भाटेजले गोल गर्दै लण्डन क्लबलाई सुरुवाती अग्रता दिलाए ।
त्यसपछि दोस्रो हाफको ७४ औं मिनेटमा हार्भाटेजको पासमा साकाले गोल थप्दा गर्नस २–० ले विजयी भयो ।
सहज जितसंगै आर्सनलले लिग तालिकामा महत्वपूर्ण ३ अंक जोडेको छ ।
त्यस्तै, प्रिमियर लिगकै अन्य खेलहरुमा ब्राइटनले एभर्टनलाई ३–० ले पराजित गर्दा १० खेलाडीमा समेतिएको न्युक्यासल युनाइटेडले पनि साउथह्याम्टनलाई १–० ले हराएको छ ।
यता, नटिङघम फोरेस्ट र एएफसी बर्नमाउटबीचको खेल भने १–१ को बराबरीमा सकियो ।
लेखक
