भक्तपुर । ओमानमा जारी दोस्रो संस्करणको एसीसी प्रिमियर कपअन्तर्गत खेलमा नेपालले हङकङ चाइनालाई ११४ रनमा रोकेको छ ।
ओमनको अल अमेरत क्रिकेट मैदानमा जारी खेलमा टस जितेको नेपालले हङकङ चइनालाई पहिलो इनिङ्समा ब्याटिङ गर्न निम्त्यायो ।
साविक विजेतासमेत रहेको नेपालले हङकङ चइनालाई १७.५ ओभरमा अलआउट गर्दै ११४ रनमा रोक्यो ।
नेपालले अब जितका लागि १८ ओभरमा ११५ रन बनाउन पर्नेछ ।
वर्षाले खेल ढिलो गरी सुरु भएपछि निर्धारित २० ओभरको खेललाई १८ ओभरमा झारिएको छ ।
हङकङ चाइनाका लागि ओपनर ब्याट्सम्यान अनशुमन रथले २६ बलमा ४ चौका र १ छक्का प्रहार गर्दै ३४ रन बनाउँदै गुलशन झामार्फत् रनआउट हुँदा विकेटकिपर जिशान अलीले १५ बल खेल्नेक्रममा १ चौका प्रहार गर्दै १४ रन जोडेर पेविलियन फर्किए ।
त्यस्तै, कप्तान निजाकत खानले ११ बलमा १ चौका प्रहार गर्दै १२ रन जोड्दै गर्दा दिपेन्द्र सिंह ऐरीमार्फत् रनआउट हुँदा इशान खानले ९ बल खेल्दै १ चौका प्रहार गरेर ११ रन जोड्दै पेविलियन फर्किए ।
यता, आयुष शुक्ला ६ रनमा अविजित रहँदा अर्का ओपनर मार्टिन कोएट्जे ८, अजिज खान ७, बाबर हायात र नस्रुल्ला राणा समान ६–६, यासिम मुर्ताजा २ र धनन्जय राओ शुन्य रनमा पेविलयिन फर्किए ।
हङकङले अतिरिक्त रुपमा ८ रन जोड्यो ।
हङकङ चइनालाई अलआउट गर्न नेपालका लागि अबिनाश बोहराले ४ ओभर बलिङ गर्दै २९ रन जोडेर ३ विकेट लिँदा ललित राजबंशीले ४ ओभर बलिङ गर्दै १ मेडनसहित १४ रन दिएर २ विकेट लिए ।
त्यस्तै, दिपेन्द्र सिंह ऐरीले ०.५ ओभरमा ६ रन दिएर २ विकेट लिँदा करण केसीले ४ ओभरमा २४ रन दिएर १ विकेट लिए ।
लेखक
