भक्तपुर । इटहरीमा जारी प्रधानमन्त्री कप महिला टि–२० क्रिकेट प्रतियोगिताअन्तर्गत १० औं खेलमा सुदुरपश्चिम प्रदेश विजयी भएको छ ।
मंगलवार भएको दोस्रो खेलमा सुदुरपश्चिम प्रदेशले विभागिय एपिएफ क्लबमाथि ४ विकेटको जित हात पारेको हो ।
जितसंगै सुदुरपश्चिमले सेमिफाइनलमा स्थान पक्का गरेको छ । सदुरपश्चिमको यो लगातार तेस्रो जित हो । यता, पराजित एपिएफले पनि समूहको उपविजेताका रुपमा सेमिफाइनलमा स्थान बनाएको छ ।
इटहरीस्थित जनता पार्क क्रिकेट मैदानमा भएको खेलमा एपीएफले दिएको ९२ रनको विजयी लक्ष्य सुदुरपश्चिमले १९.२ ओभर खेल्दै ६ विकेटको क्षतिमा ९२ रन बनाउँदै पूरा गर्यो ।
सुदुरपश्चिमका लागि डोली भट्टले सर्वाधिक ३३ रन बनाईन् । त्यस्तै, ऋतु कनोजियाले १० रन बनाउँदा अन्य ब्याटरले दोहोरो अंक जोड्न सकेनन् । रेवती धामी ८ रनमा अविजित रहँदा कविता जोशीले ७, विन्दु रावल र रुवि पोद्दार समान ६–६ रन तथा कविता कुँवर र सम्झना खड्का पनि २–२ रनमा आउट भए ।
एपिएफका लागि नेरी थापाले सर्वाधिक ३ विकेट लिइन् । त्यस्तै, सुमन विष्ट, सीता रानामगर र इन्दु बर्माले १–१ विकेट लिए ।
त्यसअघि टस जितेर पहिला ब्याटिङ थालेको एिपिएफले निर्धारित २० ओभरमा ९ विकेट गुमाउँदै ९१ रन बनायो ।
विभागिय क्लबका लागि ममता चौधरीले २६ रन बनाउँदा ज्योति पाण्डेले १४ रन जोडिन् । त्यस्तै, रोमा थापाले १५, इन्दु बर्माले ११, नेरी थापाले ७, रेखा रावलले ६ र सीतारानाले मगर ४ रन जोडिन् ।
सुदूरपश्चिमका लागि कविता जोशीले ३ विकेट लिँदा ऋतु कनोजियाले २ विकेट लिइन् । त्यस्तै, कविता कुँवर र मनिषा चौधरीले समान १–१ विकेट लिइन् ।
खेलको प्लेयर अफ द म्याच विजेता टोलीका कविता जोशी भइन् ।
लेखक
