भक्तपुर । इतहरीमा जारी प्रधानमन्त्री कप महिला टि–२० क्रिकेट प्रतियोगितामा लुम्बिनी प्रदेश र एपिएफ क्लब विजयी भएका छन् ।
सनिवार भएको खेलमा लुम्बिनी प्रदेशले कर्णाली प्रदेशमाथि ९८ रनको फराकिलो जित हात पार्दा विभागिय क्लब एपिएफले पनि गण्डकी प्रदेशमाथि ७ विकेटको जित निकाल्यो ।
इतहरीस्थित जनता क्रिकेट पार्कमा टस जिति पहिला ब्याटिङमा आएको लुम्बिनीले निर्धारित २० ओभरको खेलमा ५ विकेटको क्षतिमा १४७ रन बनायो ।
लुम्बिनीका लागि लक्ष्मी चौधरीले सर्वाधिक ३३ रनको योगदान गरे । त्यस्तै, कप्तान सरस्वती पुनले अविजित रहँदै ३० रन जोड्दा आस्मा पुलामी मगरले १४, रन्जु श्रेष्ठले १० रन जोडेको थियो । लुम्बिनीले अतिरिक्तमात्रै ४९ रन पाएको थियो ।
कर्णालीका लागि विना थापा र यमूना थारुले २–२ विकेट लिए ।
यता, १४८ रनको विजयी लक्ष्यका ब्याटिङमा ओर्लिएको कर्णाली १८.१ ओभरमा अलआउट हुँदै ४९ रनमा समितियो ।
कर्णालीका लागि यमूना थारुले १३ रन र किरण कुनवारले १० रन जोड्नुका अलावा अन्यले राम्रो प्रदर्शन गर्न सकेनन् ।
लुम्बिनीका लागि कृतिका मरासिनी र मधु डिसीले समान ३–३ विकेट लिए । त्यस्तै, सुस्मिता भुसालले २ विकेट लिए ।
इटहरीमा आजै भएको पहिलो खेलमा टस हारेर पहिला ब्याटिङमा उत्रिएको गण्डकी प्रदेशले २० ओभरको खेलमा ७ विकेटको क्षतिमा ५१ रन बनायो ।
गण्डकीका लागि कप्तान सृष्टी जैसीले सर्वाधिक १४ रन बनाइन् । त्यस्तै, कुसुम गोदार र सुजता थापाले ७–७ रन जोडे ।
विभागिय टोलीका लागि सुमन विष्टले ३ विकेट लिँदा सुस्मा श्रेष्ठ, नेरी थापा, सिता रानामगरले १–१ विकेट लिए ।
५२ रनको विजयी लक्ष्यका साथ मैदा उत्रिएको एपिएफले ८.४ ओभर खेल्दै ३ विकेटको क्षतिमा लक्ष्य पुरा गर्यो ।
विभागिय टोलीको जितमा सिता रानामगरले अविजित रहँदै १९ रन बनाए । रामा थापामगरले १४ रन बनाए । गण्डकीका लागि सृष्टी पौडेलले ३ विकेट लिइन् ।
लेखक
