एजेन्सी । इंग्लिस महारथी क्लब म्यानचेस्टर सिटी इंग्लिस प्रिमियर लिगअन्तर्गत खेलमा क्रिस्टल प्यालेससंग बराबरीमा रोकिएको छ ।
सनिवार राति भएको खेलमा साविक विजेतासमेत रहेको म्यानचेस्टर सिटी तुलनात्मक रुपमा कमजोर प्रतिद्वन्दी क्रिस्टल प्यालेससंग २–२ को बराबरीमा रोकिएको हो ।
म्यानचेस्टरस्थित इतिहाद रंगशालामा भएको खेलमा घरेलु टोली सिटीले दुई गोलको अग्रता जोगाउन नसक्दा बराबरी खेल्न बाध्य बन्यो ।
सिटीले खेलको २४ औं मिनेटमा फिल फोडेनको पासमा ज्याक गिर्लिसको गोलमार्फत सुरुवाती अग्रता लियो ।
त्यसपछि दोस्रो हाफको ५४ औं मिनेटमा रिको लिविसको गोलमार्फत् २–० को अग्रता लियो ।
तर, ७६ औं मिनेटमा जिन माटेटाको गोलमार्फत प्यालेस खेलमा फर्कियो ।
यता, खेलको अन्त्यतिर ९० मिनेटपछि थपिएको अतिरिक्त समयको पाँचौं मिनेटमा प्लेसका माइकल ओलिसेले पेनाल्टीमार्फत गोल फर्काउँदा खेल २–२ को बराबरीमा सकियो ।
बराबरीसंगै बलियो सिटीविरुद्व महत्वपूर्ण एक अंक खोस्न सफल प्यालेसको १६ खेलमा १७ अंक भएको छ ।
प्यालेस लिग तालिकाको १५ औं स्थानमा रह्यो ।
यता, आफ्नै घरेलु मैदानमा महत्वपूर्ण दुई अंक गुमाएको सिटीको भने समान १६ खेलमा ३४ अंक रहेको छ ।
सिटी तालिकाको चौथौं स्थानमा रहेको छ ।
प्रिमियर लिगअन्तर्गत गयराति नै भएको अन्य खेलहरुमा एभर्टनले बर्नलीमाथि २–० को जित हासिल गर्दा न्युक्यासल युनाइटेडले पनि फुलहममाथि ३–० को जित निकालेको छ ।
त्यस्तै, चेल्सीले सेफिल्ड युनाइटेडमाथि २–० को जित रच्दा एएफसी बर्नमाउथ र लुटन टाउनको खेल भने स्थगित भएको छ ।
लेखक
