एजेन्सी । आर्सनलले इंग्लिस प्रिमियर लिगअन्तर्गत खेलमा क्रिस्टल प्यालेसमाथि फराकिलो जित हासिल गरेको छ ।
सनिवार साँझ भएको खेलमा उपाधि होडमा रहेको आर्सनलले क्रिस्टल प्यालेसमाथि ५–० को फराकिलो जित हासिल गरेको हो ।
आर्सनलको घरेलु मैदान इमिरेट्स रंगशालामा भएको खेलमा ग्राबियल मर्टिनेलीले दुई गोल गर्दा लियान्ड्रो ट्रोस्सार्ड र ग्राबियलले एक–एक गोल गरे ।
अर्को एक गोल प्यालेसका गोलकिपर डिन हेन्डर्सनको आत्मघाती रह्यो ।
खेल सुरु भएको ११ औं मिनेटमा डिक्लेन राइसको पासमा ग्राबियलले गोल गर्दै आर्सनललाई सुरुवाती अग्रता दिलाए ।
त्यसपछि ३७ औं मिनेटमा हेन्डर्सनलले आत्मघाती गोल गर्दा आर्सनल २–० ले अघि बढ्यो ।
यता, दोस्रो हाफको ५९ औं मिनेटमा ग्राबियल जेससको पासमा ट्रोसार्डले गोल थप्दा घरेलु टोली ३–० को सहज अग्रतासहित अघि बढ्यो ।
यता, खेलको अन्त्यतिर इन्जुरी समयको चौथौं र पाँचौं मिनेटमा मर्टिनेलीले लगातार दुई गोल थप्दा गर्नसका रुपमा समेत चिनिने आर्सनल ५–० ले विजयी भयो ।
फराकिलो जितसंगै आर्सनलले २१ खेलमा ४३ अंक जोड्दै लिग तालिकाको दोस्रो स्थानमा उक्लिएको छ ।
पराजित प्यालेसको भने समान २१ खेलमा २१ नै अंक रहेको छ । प्यालेस तालिकाको १४ औं स्थानमा रहेको छ ।
लेखक
