भक्तपुर । फिफा विश्वकपअन्तर्गत समह चरणको अन्तिम खेलमा पोर्चुगलमाथि रोमाञ्चक जित हात पार्दै दक्षिण कोरिया अन्तिम १६ मा प्रवेश गरेको छ ।
शुक्रवार राति भएको खेलमा दक्षिण कोरियाले पोर्चुगलमाथि २–१ को जित हात पारेको हो ।
इड्युकेशन सिटी रंगशालामा बलियो पोर्चुगलले खेलको पाँचौ मिनेटमा रिकार्डो होर्ताको गोलमार्फत सुरुवाती अग्रता लिएको थियो ।
त्यसपछि खेलको २७ औं मिनेटमा किम योङ गोङले गोल गर्दा खेल १–१ को बराबरी भएको थियो ।
पहिलो हाफ बराबरीमा सकिएको खेलको दोस्रो हाफ रोमाञ्चक रह्यो । दुबै टोलीले गोलका राम्रा प्रयासहरु जारी राखे ।
बराबरीतर्फ उन्मूख खेलको अन्त्यतिर निर्धारित ९० मिनेटपछिको थपिएको अतिरिक्त समयको पहिलो मिनेटमा सनसनीपूर्ण गोल गर्दै कोरियाले खेलमा २–१ को अग्रता लियो । कोरियाका लागि ह्वाङ हि च्यानले निर्णायक गोल गरे ।
यसअघि समूहको लगातार दुई खेल जितेको पोर्चुगल भने कोरियासंग हारे तापनि समूह विजेता रह्यो ।
लेखक
