एजेन्सी । इस्लामाबाद युनाइटेड पाकिस्तानी शीर्ष फ्रेन्चाइज प्रतियोगिता पाकिस्तान सुपर लिग (पिएसएल) को फाइनलमा प्रवेश गरेको छ ।
सनिवार भएको दोस्रो क्वालिफायर खेलमा पेशावर जाल्मीमाथि ५ विकेटको जित निकाल्दै इस्लामाबाद युनाइटेड पिएसएलको फाइनलमा प्रवेश गरेको हो ।
योसंगै इस्लामाबादले उपाधिका लागि मुल्टान सुल्टान्ससंग सोमवार राति प्रतिस्पर्धा गर्ने पक्का भएको छ ।
कँराचीस्थित नेस्नल स्टेडियम कँराचीमा भएको खेलमा १८६ रनको विजयी लक्ष्यका साथ मैदान उत्रिएको इस्लामाबादले १९ ओभर खेल्नेक्रममा ५ विकेट गुमाउँदै १८९ रन जोड्यो ।
इस्लामाबादको जितमा आइमद वासिमले ४० बलमा ९ चौका प्रहार गर्दै सर्वाधिक ५९ रनको अर्धशतकिय पारी खेल्दै अविजित रहँदा हैदर अलीले २९ बलमा २ चौका र ५ छक्का प्रहार गर्दै ५२ रनको अर्धशतकिय पारी खेल्दै अविजित रहे ।
त्यस्तै, ओपनर ब्याट्सम्यान मार्टिन गुपटिलले २१ बलमा ५ चौका र १ छक्का प्रहार गर्दै ३४ रन जोडेर आउट हुँदा विकेटकिपर आजाम खानले १७ बल खेल्दै १ चौका र १ छक्का प्रहार गर्दै २२ रन जोडेर पेविलियन फर्किए ।
यता, सलमान अली आघा ५, अर्का ओपनर एलेक्स हेलस १ र कप्तान सदाब खान शुन्य रनमा पेविलियन फर्किए ।
इस्लामाबादले अतिरिक्त रुपमा १६ रन जोड्यो ।
पेशावर जाल्मीका लागि सैम अयुबले २ विकेट लिँदा लुक उड, मेहरान मुम्ताज र खुराम शाहजादले समान १–१ विकेट लिए ।
त्यसअघि टस हारेर पहिला ब्याटिङमा आएका पेशावर जाल्मीले निर्धारित २० ओभरको खेलमा ५ विकेट गुमाउँदै १८५ रन जोड्यो ।
पेशावर जाल्मीका लागि ओपनर ब्याट्सम्यान सैम अयुबले ४४ बलमा ६ चौका र ४ छक्का प्रहार गर्दै सर्वाधिक ७३ रनको अर्धशतकिय पारी खेल्दा विकेटकिपर मोहम्मद हारिसले २५ बल खेल्नेक्रममा ३ चौका र २ छक्का प्रहार गर्दै ४० रन जोडेर पेविलियन फर्किए ।
त्यस्तै, कप्तान बाबर आजामले २२ बलमा २ चौका र १ छक्का प्रहार गर्दै २५ रन जोडेर पेविलियन फर्किदा टम कोहलेर काडमोरले ९ बल खेल्दै २ चौका र १ छक्का प्रहार गरेर १८ रन जोड्दै आउट भए ।
यता, अमिर जमालले ९ बलमा १ चौका र १ छक्का प्रहार गर्दै १७ रन जोडेर अविजित रहँदा हुसेन तलातले ४ बलमा १ चौका प्रहार गर्दै ८ रन जोडेर अविजित रहे ।
रोभमान पावेल भने २ रनमा पेविलियन फर्किए ।
जाल्मीले अतिरिक्त रुपमा २ रन जोड्यो ।
इस्लामाबादका लागि नसिम शाहले सर्वाधिक ३ विकेट लिँदा सादाब खान र ओबेद म्याकोएले समान १–१ विकेट लिए ।
लेखक
